01 Qershor 2020

Gjendja me furnizim me miell dhe produkte është stabile, s’ka vend për panik

Gjilan, 27 mars -  Në territorin e komunës së Gjilanit gjendja me furnizim me miell dhe produkte të tjera është stabile dhe qytetarët nuk kanë nevojë të bëjnë panik.

Kjo u bë e ditur sot në takimin që nënkryetari i Gjilanit, Arbër Ismajli, pati me kryeinspetorin Nevzad Rushiti dhe inspektorët e kësaj Komune.

“Defitinivisht është lajm i mirë se situata është stabile në këtë aspekt dhe nuk ka vend për panik. Po vizitohen në vazhdimësi të gjitha llojet e marketeve dhe ju garantoj që nuk ka vend për panik. Edhe furrat kanë kapacitete të kënaqshme ”, ka deklaruar numri dy i Gjilanit.

Në këtë takim u tha se në bazë të vizitave ne terren, nuk është vërejtur ndonjë ndryshim të çmimeve në këtë fazë.

Ndryshe, inspektorët komunalë po punojnë me rrotacion 24 orë. 

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)