15 Tetor 2018

Fermerët protestojnë për problemet kryesore të industrisë së qumështit

Prishtinë, 1 qershor - Shoqata e Fermerëve Kosovarë të Qumështit do të mbajë sot aktivitet protestues në Prishtinë, me qëllim sensibilizimin e opinionit dhe të institucioneve përgjegjëse për problemet kryesore të industrisë së qumështit.

Aktiviteti do të fillojë para AUV-së, për të vazhduar pastaj para MTI-së, MBPZHR-së, Kuvendit të Kosovës, Qeverisë dhe me përfudnim në në Sheshin Zahir Pajaziti, ku do të shpërndahen edhe pamflete.

Shoqata e Fermerëve Kosovarë të Qumështit bashkë me qumështarët do të mbajë aktivitete të ndryshme gjatë muajit qershor që njihet si muaji i prodhimeve të qumështit.

Shoqata mbledh rreth vetes rreth 2000 fermerë dhe është organizmi më i madh në industrinë tonë.

Shoqata e Qumështarëve vazhdimisht e ka tërhequr vëmendjen për problemet dhe padrejtësitë që po i bëhën sektorit të qumështit nga njerëz të papërgjëgjshëm në institucione dhe në sektorin privat.

Kalendari

Ngjarjet e datës 15 tetor 2018

- Mbahet mbledhja e Kryesisë së Kuvendit, me kryetarët e grupeve parlamentare. (Ndertesa e Kuvendit, salla C-301, ora 9:00)

- Let’s Do It Kosova organizon aksion pastrimi në lagjen “Mati 1” në Prishtinë. (Rruga “Muharrem Fejza”, ora 10:00)
 
- Programi i Kombeve të Bashkuara për Zhvillim dhe Ambasada Gjermane në Prishtinë do të nënshkruajnë një marrëveshje për të mbështetur sektorin e sigurisë në Kosovë. (Ambientet e UNDP-së në Arbëri, ora 10:00)

- Bibloteka Kombëtare 'Pjeter Bogdani' organizon ceremoninë e hapjes së ekspozitës "Jeta dhe vepra e heroit kombëtar shqiptar Gjergj Kastrioti Skenderbeu'. (Bibloteka Kombëtare, ora 10:00)

- Vazhdimi i seancës plenare të Kuvendit të Republikës së Kosovës. (Salla e seancave plenare të Kuvendit, ora 10:00)

- Zyrja e UNICEF-it në Kosovë bën lancimin e aplikacionit “Shnet”. (Sheshi 21, ora 11:00)

- Kryeministri Haradinaj merr pjesë në promovimin e librit “Lindja e Vështirë e Shtetësisë së Kosovës”, të autorit Nexhat Daci. (Akademia e Shkencave dhe e Arteve të Kosovës, ora 11:00)

- Mbahet konferenca e drejtorit te Shëndetesisë dhe Mireqenies Sociale, Selami Xhemajli nga Komuna e Gjilanit. (Zyra e krytarit të komunës, ora 11:00)

- Mbahet mledhja e Komisionit për Administratë Publike, Qeverisje Lokale dhe Media në të cilin do të behët shqyrtimi i Raportit vjetor të Komisionit të Pavarur për Media, për vitin 2017. (Ndërtesa e Kuvendit, salla N 302, ora 13:00)

- Mbahet mledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilin do të behët shqyrtimi i Projektligjit për statusin e punëtorëve të arsimit shqip të Republikës së Kosovës nga viti shkollor 1990/91 deri në vitin shkollor 1998/99. (Ndërtesa e Kuvendit, salla N 303, ora 13:00)

- Ekipi i Kombeve të Bashkuara në Kosovë dhe Asociacioni i Gazetarëve të Kosovës do të mbajnë ceremoninë e 13-të të ndarjes së Çmimeve për arritjet më të mira në Gazetari për temën e Varfërisë 2018. (Kino Armata pranë Hotelit Grand, ora 16:00)

- Kryetari i LDK-së, Akademik Isa Mustafa mban mbledhje me kryetarët e degëve të LDK-së. (Hotel Sirius, ora 17:00)

- Instituti për Integrime Evropiane dhe Qendra Grotius organizojnë debat për Dhomat e Specializuara të Gjykatës Speciale. (Kolegji UBT,  ora17:00)

- Ambasada e Kroacisë shënon vitin e 5-të të integrimit të Kroacisë në Bashkimin Evropian. (Amfiteatri i Bibliotekës Qendrore të Universitetit në Prishtinë, ora 18:00)