05 Tetor 2022

Fermerët e shqetësuar me diskriminimin e pagesave dhe subvencioneve

Rahovec, 17 shtator - Pas problemeve që janë paraqitur gjatë aplikimit për pagesa direkte-subvencione që jepen nga Ministria e Bujqësisë, Pylltarisë dhe Zhvillimit Rural, ku një pjesë e madhe e fermerëve nuk kanë mundësi të gëzojnë të drejtën e tyre për të aplikuar për shkak të udhëzimit të ri administrativ, gjatë ditës së enjte kryetari i komunës së Rahovecit, Smajl Latifi ka pritur në takim përfaqësuesin e Avokatit të Popullit për regjionin e Gjakovës, Mark Kaçinari.
 
Latifi ka thënë se gjatë këtij takimi kemi dëgjuar shqetësimet për diskriminimin, pengesat dhe kufizimet që po u bëhen bujqve me këtë udhëzim.

"Kam kërkuar që të gjendet sa më shpejtë zgjidhje, me qëllimin e vetëm: Mos të ndëshkohen bujqit punëtorë dhe të pafajshëm të komunës së Rahovecit."

"Ne do të ndjekim gjithë hapat e nevojshëm deri në realizim të kërkesave të arsyeshme të bujqve dhe fermerëve tanë të vyeshëm. Poashtu, i siguroj të gjithë fermerët se do të përpiqemi që asnjë bujk mos të mbetet pa aplikuar”, ka thënë kryetari Latifi.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)