10 Korrik 2020

Drejtoria e Bujqësisë ndan mirënjohje për fermerin e bletishtes “Apimedica”

Mitrovicë, 20 nëntor - Drejtori për Bujqësi dhe Zhvillim Rural, Ekrem Sadiku, sot ka mirëpritur në një takim fermerin e bletishte “APIMEDICA”, Hetem Bajraktarin, i cili doli fitues në garën ndërkombëtare të cilësisë së mjaltit, e cila ishte organizuar nga shoqatat vendore të Bletarisë, në bashkëpunim me Qeverinë e Kosovës, dhe në mes të komunës së Tetovës, në Maqedoni, me pjesëmarrës 15 shtete dhe 240 garues.

Me këtë rast, drejtori Sadiku, ka ndarë mirënjohje dhe ka uruar fermerin e vyer nga bletishtja “APIMEDICA”, për suksesin e treguar, duke marrë vendin e parë në garën ndërkombëtare të cilësisë së mjaltit, në mesin e numrit të madh të garuesve.

Gjithashtu ai u shpreh i lumtur që ishin pjesëmarrës edhe garuesit e qytetit tonë të rajonit të Shalës së Bajgores nga fshati Selac dhe Kotorr.

“Jam jashtëzakonisht i lumtur për ju dhe sukseset e treguara në këtë garë, ku u dëshmua edhe një herë përkushtimi dhe puna e palodhshme e fermerëve tanë. Ne do të vazhdojmë të punojmë së bashku që sektorin e bujqësisë ta zhvillojmë sa më shumë në komunën tonë. Komuna e Mitrovicës, me theks të veçantë rajoni  i Shalës së Bajgores, ka potencial të mjaftueshëm që sektori i bletarisë të zhvillohet, dhe në këtë mënyrë të ngrisim edhe cilësinë në tregun tonë ”, ka thënë Sadiku.

Ndërsa,  fermeri i bletishte “APIMEDICA”, është shprehur i kënaqur me mirënjohjen që ju nda në saje të suksesit të cilit kishte arritur, gjithashtu ka vlerësuar lartë mbështetjen e vazhdueshme nga Komuna e Mitrovicës, me ç’rast ka falënderuan drejtorin Sadiku,  për punë e tij të palodhshme.

Kalendari

Ngjarjet e datës 10 Korrik 2020

- Shoqata e Radio Taxive “Pasagjeri” organizon protestë për shkak të mosplotësimit të kërkesave nga Komuna e Prishtinës. (Nisj nga rrethrrotullimi “Te Fontana” në Ulpianë, ora 10:00)

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Banorët e lagjes “Qendra” protestojnë, të pakënaqur me parkingjet dhe shërbimet komunale. (Rr.“Rexhep Luci”, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Komitetit Emergjent të Gjilanit mban konferencë për media pas 27 rasteve të reja pozitive me COVID-19. (Qendra Operative Emergjente, Qendra e Studentëve, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Drejtësisë, Selim Selimi mban konferencë për media. (Ministria Drejtësisë, salla 914, ora 12:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)