22 Gusht 2019

Diskutohen mundësit për rregullimin e sistemit të ujitjes në tokat bujqësore

Mitrovicë, 24 korrik - Kryetar i komunës së Mitrovicës, Agim Bahtiri, i shoqëruar nga drejtori për Gjeodezi, Kadastër dhe Pronë, Egzon Jashari, pritën në takim pune, ish kryeshefin e Agjencisë Kadastrale të Kosovës, Murat Mehën si dhe ekspertin holandez nga fusha e gjeodezisë, Rutger Kuiper me eksperiencë ndërkombëtare në lëmin e trajtimit të tokave dhe ujërave.

Mysafirët në takim prezantuan idetë e tyre për hartimin dhe implementimin e Master-Planit për rregullimin e sistemit të ujitjes në tokat bujqësore me komasacion, ndërsa z.Meha ndër të tjera theksoj që ky Master-Planë do hartohet në koordinim me Ministrinë e Bujqësisë që është kompetente për trajtimin e zonave me komasacion dhe implementimi i tij do të financohet nga Banka Botërore.

Kryetari Bahtiri gjatë këtij takimit shprehu gatishmërinë dhe përkushtimin e tij që kjo çështje të trajtohet duke marr parasysh nevojën e rregullimit të këtyre zonave.

“Ne jemi në kontakt edhe me Ministrin e Bujqësisë dhe shpresojmë që kjo çështje të trajtohet me prioritet me qëllim që pronarët e këtyre tokave ta rregullojnë dokumentacionin e pronave të tyre edhe në kadastër”, ka thënë kryetari Bahtiri.

Ndërsa, drejtori Jashari prezantoj gjendjen e zonave me komasacion në Komunën e Mitrovicës Jugore duke bërë të ditur që ekzistojnë katër zona me komasacion, të cilat gjinden në Zonat Kadastrale; Kqiç i Madh, Frashër, Koshtovë dhe Vinarc i Poshtëm, dhe si tërësi gjenerojnë një sipërfaqe të përgjithshme rreth 725 hektar.

“Zonat në fjalë janë trajtuar në vitin 89-të duke gjetur zbatim në terren që nga ajo kohë pothuajse në mënyrë të plotë, mirëpo gjendja në kadastër është e pa ndryshuar, pra, ekziston gjendja e vjetër."

"Rëndësia e rregullimit të kësaj çështje është shumë e madhe pasi që jo vetëm që ndihmon pronarët të definojnë pronat e tyre në aspektin formal-juridik, por gjithashtu i mundëson edhe Zyrës Kadastrale në Mitrovicë t’i mbuloj me të dhëna të plota kadastrale zonat në fjalë duke bërë njëkohësisht edhe de-bllokimin e tyre, me ç’rast do të harmonizohej gjendja faktike në terren me dokumentacionin kadastral”, ka thënë drejtori Jashari.

Vlen të theksohet se pas takimit, është treguar interes dhe  vullnet i të dy palëve që bashkëpunimi të intensifikohet edhe në të ardhmen.

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)