27 Shkurt 2020

Bujqit i dhanë dimension zhvillimit ekonomik të Gjilanit

Gjilan, 25 tetor - Në një ceremoni të veçantë të promovimit të produkteve gjilanase, në Gjilan është shtruar të premten sofra e falënderimit, Darka e Lamës.

I pari i gjilanasëve, Lutfi Haziri, tha se po e vazhdojnë këtë akt falënderimi, si traditë që e la presidenti historik, Ibrahim Rugova.

“E premtja e fundit të tetorit në kalendarin e shqiptarëve shënon përfundimin dhe mbjelljen e bereqetit, shtrimin e sofrës së Darkës së Lamës. Këtë na e la trashëgimi presidenti Rugova dhe ne në Gjilan asnjëherë nuk e kemi lënë anash."

"Ka qenë vit i thatë për Gjilanin, pasi jemi njëri prej regjioneve që po e vuan thatësinë e ujit, por ka qenë vit i bereqetshëm sa i përket të mirave dhe begatisë, falë punës dhe djersës së njerëzve që e punojnë tokën dhe jetojnë prej saj."

"Ata i dhanë dimension zhvillimit lokal ekonomik sepse bujqësia mbetet promotori kryesor i zhvillimit”, tha Haziri, i cili nuk la pa përmendur kompanitë gjilanase që me sukses kanë depërtuar në Europë.

“Në rrafshin e dytë, janë ata që po udhëheqin me ekonomi përtej Gjilanit, duke u bërë brende të njohura në Europë. Kudo që shkruan Made in Kosova, shumica e produkteve prodhohen në Gjilan dhe janë krenaria jonë, për të cilët unë jam shumë falënderues."

"Këto brende janë, Fluidi, Frutomania, Ask Foods, Konsoni, Calabria, Malësia, Kabi, Bio Produkt, Floi, Dea dhe të gjitha kompanitë tjera që kanë kaluar në prodhim. Si pjesë e saj, begatohet edhe sonte Darka e Lamës. Uroj që kjo traditë të vazhdojë brenda familjeve tona. Uroj çdo familje që të ketë begati”, shtoi kryetari i Gjilanit.

Drejtori i Bujqësisë në këtë komunë, Ramiz Ramadani, tha se sot po nderohet puna e secilit fermer dhe secilit agropërpunues.

“Gjatë kësaj feste, bëhen falënderime për të mirat që na i ka falë Zoti këtë vit dhe lutemi që të na dhurojë më shumë të mira në vitin tjetër. Sot, nderojmë punën e secilit fermer, e në veçanti, punën e secilit agropërpunues gjilanas, të cilët po ndërtojnë brendet e tyre me cilësi të nivelit europian”, tha ai.

Ramadani ka falënderuar partnerët të cilët ndihmuan në zhvillim të kapaciteteve si, USAID, Komisionin Europian, IADK, sikurse edhe dy kompanitë, Hib Petrol dhe Shell Kosova, për subvencionimin e naftës. 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)