20 Shtator 2019

Aprovohet Projektligji për Pyjet

Prishtinë, 23 maj - Qeveria  e Kosovës në mbledhjen e sotme, të 104-tën me radhë ka aprovuar Projektligjin për Pyjet, i cili ka për qëllim krijimin e bazës ligjore dhe tokave pyjore si resurse të ripërtëritshme me interes të përgjithshëm si dhe ka aprovuar vendimin për ndryshimin dhe plotësimin e Rregullores Nr. 32/2012 për Organizimin e Brendshëm dhe Sistematizimin e Vendeve të Punës në Ministrinë e Integrimit Evropian.

Nisma për nënshkrimin e Marrëveshjes Financiare Trepalëshe ndërmjet Bashkimit Evropian, Kosovës dhe Shqipërisë për vitin 2018, për Programin e Bashkëpunimit Ndërkufitar për IPA II ndërmjet Kosovës dhe Shqipërisë; Nisma për negocimin e Marrëveshjes për Amendamentimin e Marrëveshjes së Grantit ndërmjet Republikës së Kosovës dhe Bankës Gjermane për Zhvillim (KfW), për financimin e projektit “Mënjanimi i ujërave të zeza në Kosovën Jugperëndimore – FAZA V” si dhe Nisma për lidhjen e Memorandumit të Partneritetit për “Iniciativat Kombëtare të Frankofonisë”, ndërmjet Republikës së Kosovës dhe Organizatës Ndërkombëtare të Frankofonisë, morën gjithashtu sot aprovimin e kabinetit qeveritar.

Një tjetër vendim i rëndësishëm i kësaj mbledhje ishte edhe shpallja e Zonës së Mbrojtur në Kategorinë e Parkut Natyror “Mali Pashtrik dhe Liqeni i Vermicës”, derisa me propozim të Ministrisë së Tregtisë dhe Industrisë u aprovua edhe Nisma për funksionalizimin dhe dhënien në shfrytëzim të Qendrës së Panaireve në Bërnicë.

Kabineti qeveritar mori vendim për riemërimin e z. Arben Gashi, Inspektor Incizues i Fluturimeve  në  Komisionin  për Hetimin e Aksidenteve dhe Incidenteve Aeronautike (KHAIA), e cila vepron në kuadër të Zyrës së Kryeministrit.  

Me qëllim të finalizimit në zbatim të ligjeve për Reformën e Administratës publike, Qeveria sot mori vendim për ndarjen e mjeteve financiare në vlerë prej 95,000 euro, për hartimin e akteve nënligjore dhe përgatitjet e nevojshme për  zbatimin e ligjeve për Reformën e Administratës Publike.

Në fund të mbledhjes kryeministri Haradinaj ka kërkuar sqarime nga ministrat e resorëve përkatës lidhur me përshpejtimin e procedurave për hartimin e koncept dokumentit për Bjeshkët e Nemuna, dhe shqetësimet e banorëve të disa rajoneve që preken nga ndërtimi i Autostradës Prishtinë – Hani i Elezit. 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpi e Rinisë, Gjilan, ora 16:30)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)