01 Qershor 2020

Administrimi i tokës në favor të politikave të gjelbra

Seul, 27 shtator - Agjencia Kadastrale e Kosovës e udhëhequr nga Kryeshefi i saj Ekzekutiv z. Avni Ahmeti i shoqëruar nga bashkëpunëtorë nga fusha e kadastrës dhe teknologjisë së informacionit, ka përfunduar vizitën pesëditore në Seul, Republika e Koresë. Qëllimi i qëndrimit në Kore ishte participimi në konferencën ndërkombëtarë kushtuar krijimit të politikave dhe ambienteve të gjelbra si pjesë e administrimit të tokës, “Korea Green Inovation Days” (Ditët e inovacionit të gjelbër në Kore). Në kuadër të aktiviteteve përveç atyre të ndërlidhura me konferencën, ekspertët e AKK-së kishin mundësi të mbajnë takime me prijës të institucioneve të interesit nga fusha e kadastrës, administrimit të tokës, infrastrukturës së të dhënave hapësinore, e-qeverisjes e ngjashëm. Në mesin e takimeve më të rëndësishme ishin ato me institucionin homolog në fushën e kadastrës, Agjencia për mirëmbajtjen e Regjistrave Pronësor dhe për Kadastër (LX), me Agjencinë Shtetërore për Informacione Hapësinore, Agjencinë Shtetërore për e-Qeverisje si dhe Agjencinë Shtetërore për Banim dhe Tokë. Të gjitha këto takime, pos për prezantime të përgjithshme të aktiviteteve të ndërsjella, u shfrytëzuan edhe për vendosjen e bazave për një bashkëpunim konkret në të ardhmen, përfitimet nga i cili bashkëpunim nuk do të ishin vetëm të përveçme për AKK-në, por të përgjithshme për shumicën e institucioneve në fushëveprimin e të cilëve bie mbrojtja e ambientit dhe krijimi i politikave të gjelbra.

Po ashtu, z. Ahmeti kishte edhe një takim të rëndësishëm me udhëheqës të lartë të Bankës Botërore, respektivisht me z. Jorge Munoz, Udhëheqës i Njësisë së Bankës Botërore për Administrim të Tokës dhe Infrastrukturë të të Dhënave Hapësinore me të cilin diskutuan rreth bashkëpunimit intensiv e disa vjeçar mes Agjencisë Kadastrale të Kosovës dhe Bankës Botërore.

Z. Ahmeti falënderoi z. Munos për përkrahjen e vazhdueshme si financiare po ashtu edhe profesionale, ndërsa theksoi se ekspertët e AKK-së janë duke u transformuar nga absorbues të njohurive në shpërndarës të tyre. Në këtë takim, z. Munos u zotua se përkrahja do të vazhdojë edhe në të ardhmen, ndërsa u shpreh i kënaqur nga rezultatet e arritura nga përkrahja e deritanishme e Bankës Botërore.

Ndërsa, si pjesë kryesore e aktiviteteve, respektivisht pjesëmarrja në konferencën për politika të gjelbra, e mbajtur me datat 26 dhe 27 shtator, Kryeshefi Ekzekutiv i Agjencisë Kadastrale të Kosovës z. Avni Ahmeti ishte panelist në sesionin kushtuar transformimit të shteteve në zhvillim dhe orientimi i tyre kah përkrahja e politikave të gjelbra. Në fjalën e tij, z. Ahmeti përmendi reformat e planifikuara në kadastër, respektivisht krijimin e  Ligjit të ri për Kadastër, draftimin e Ligjit për IKIH (infrastrukturës kombëtare e të dhënave hapësinore), amandamentimin e 12 Udhëzimeve Administrative në fushën e kadastrës, regjistrimit të të drejtave pronësore, e ngjashëm si dhe u zotua që në planifikimet e ardhshme, projekteve që mund të kenë efekt në ambient të u kushtohet rëndësi më e veçantë. Po ashtu, z. Ahmeti ofroi kanalet për komunikim që ka zhvilluar AKK, si Gjeoportali shtetërorë, të shfrytëzohen për promovimin e politikave, produkteve dhe shërbimeve në mbrojtje të ambientit. Përndryshe në konferencën e organizuara nga Banka Botërore, morën pjesë përfaqësues nga dhjetëra institucione nga e tërë bota, me mbi 200 pjesëmarrës.  
 

 

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)