Prishtinë, 21 dhjetor - Shoqata e Kompanivë të Produkteve Pyjore Jo-Drurose (PPJD) dhe Bimëve Aromatike Mjekësore (BAM) ORGANIKA organizon ceremoninë e shpërndarjes së certifikatave organike për 18 biznese të Kosovës që merren me grumbullimin, kultivimin dhe përpunimin e PPJD dhe BAM. 

Përveç shpërndarjes së certifikatave organike, kjo ngjarje vë theksin tek rëndësia e certifikimit organik dhe standardeve për bizneset e Kosovës dhe tek trendet e së ardhmes në këtë sektor.

Procesi për certifikimin organik të 15 kompanive u mbështet nga projekti Promovimi i Punësimit në Sektorin Privat (PPSE) të Agjencisë Zvicerane për Zhvillim dhe Bashkëpunim që implementohet nga Swisscontact në partneritet me Institutin Riinvest.