25 Shkurt 2020

Shkon në 31 numri i viktimave nga tërmeti në Turqi

Ankara, 26 janar - Autoritetet turke kanë njoftuar se numri i viktimave nga tërmeti i së premtës ka shkuar në 31. Presidenti turk Reccep Tayip Erdogan ka bërë thirrje qe të injorohen “propagandat” rreth mosgatishmërisë së shtetit për të menaxhuar situatën pas tërmetit.

Ekipet e shpëtimit kanë vazhduar me kërkimet për njerëzit që kanë mbetur nën rrënoja, derisa autoritetet thanë se 1,243 persona janë lënduar.

Një tërmet me fuqi prej 6.8 shkallësh të Richterit pati epiqendrën në qytetin Sivrice në provincën Elazig.

Ministri i Brendshëm, Suleyman Soylu, tha në një konferencë për media se 18 viktima janë nga province Elazig ndërsa katër në Malatia. Ndërkaq, më vonë, Agjencia Shtetërore e Fatkeqësive raportoi për rritje të numrit të viktimave.

Presidenti turk, Erdogan, më 25 janar mori pjesë në varrimin e një nëne bashkë me djalin e saj që humbën jetën nga tërmeti. Ai paralajmëroi qytetarët para mediave se propaganda që po përhapen janë të pavërteta.

“Mos i dëgjoni thashethemet, mos dëgjoni propaganda e askujt dhe ta keni parasysh se jemi në shërbimin tuaj”, tha Erdogan.

Agjencia Shtetërore e Fatkeqësive bëri të ditur se tërmeti ishte përcjellë me 398 lëkundje të tjera.

Tërmetet janë të zakonshme në Turqi. Elazig ishte goditur nga tërmeti me magnitudë 6.0 më 2010, duke lënë të vdekur 51 persona.

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)