18 Shtator 2019

SHBA vendos sanksione kundër Agjencisë iraniane të Hapësirës

Washington, 5 shtator - Shtetet e Bashkuara vendosën sanksione kundër agjencisë iraniane të hapësirës, të cilën e akuzon se shërben për të mbuluar një program raketash. Këto janë sanksionet e para të këtij lloji të vendosura ndonjëherë nga SHBA.

Sekretari i shtetit Mike Pompeo tha se "Shtetet e Bashkuara nuk do të lejojnë Iranin të përdorë agjencinë e hapësirës si mbulesë për të zhvilluar programin e tij të raketave balistike”.

Sanksionet e reja prekin Agjencinë iraniane të Hapësirës, Qendrën e Kërkimit Hapësinor dhe Institutin e Kërkimeve Aeronautike të Iranit.

Çdo aset që këto ente kanë në Shtetet e Bashkuara bllokohen, dhe shtetasve amerikanë u ndalohet të bëjnë biznes me to.

SHBA thonë se teknologjia iraniane për lëshimin e mjeteve në hapësirë është "praktikisht identike me atë që përdoret për raketat balistike", duke përfshirë mënyrat e kontrollit të një rakete gjatë fluturimit.

SHBA paralajmëruan gjithashtu "bashkësinë shkencore ndërkombëtare se bashkëpunimi me Iranin për lëshimet në hapësirë mund të kontribuojë në programin e tij të raketave balistike."

Irani thotë se programi i tij i hapësirës ka për qëllim ndërtimin e raketave për të hedhur në orbitë satelitë të telekomunikacionit. Që nga viti 2013, Irani ka hedhur dy satelitë të tillë. Por tre përpjekje të tjera këtë vit kanë dështuar.

Kalendari

Ngjarjet e datës 18 shtator 2019 - Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)  

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)  

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)  

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)