05 Shkurt 2023

SHBA vendos një raund të ri sanksionesh ndaj Rusisë

Washington, 29 qershor - Shtetet e Bashkuara kanë njoftuar një raund të ri sanksionesh ndaj Rusisë që ndalojnë importimin e arit rus, si dhe vënë në shënjestër konglomeratin shtetëror të mbrojtjes ruse “Rostec” dhe banka të shumta, përfshirë Bankën e Moskës, bën të ditur Departamenti i Thesarit.

Një superjaht prej 325 milionë dollarësh i një oligarku të sanksionuar rus, i sekuestruar nga Shtetet e Bashkuara, mbërriti në Gjirin e San Diegos.

Me një gjatësi 106 metra, “Amadea” mbante një flamur amerikan ndërsa lundroi përtej aeroplanmbajtëses “USS Midway”, tashmë jashtë përdorimi, dhe poshtë urës “Coronado”.

Departamenti i Drejtësisë tha se “Amadea” ishte ankoruar pas një udhëtimi 8,047 kilometra nga ana tjetër e Paqësorit, "dhe do të mbetet nën kontrollin e qeverisë amerikane, në pritje procedurave dhe përfundimisht nxjerrjes në shitje”.

Byroja Federale e Hetimeve, FBI, tha se superjahti “Amadea” kishte lidhje me oligarkun rus Suleiman Kerimov. Superjahti u bë objektiv e grupit të punës “Task Force KleptoCapture”, një përpjekje e nisur në muajin mars për të kapur pasuritë e oligarkëve rusë me qëllim ushtrimin e trysnisë ndaj Rusisë për t’i dhënë fund luftës në Ukrainë.

Shtetet e Bashkuara thonë se oligarku Kerimov e bleu anijen fshehurazi vitin e kaluar përmes kompanive të ndryshme në vende që quhen parasja fiskale.

Shtetet e Bashkuara fituan një betejë ligjore në Fixhi për të marrë superjahtin që lundronte nën flamurin e ishujve Kajman në fillim të këtij muaji. “Amadea” bëri një ndalesë në portin e Honolulusë gjatë udhëtimit drejt Amerikës kontinentale.

“Kapja dhe transporti i suksesshëm i jahtit ‘Amadea’ nuk do të ishte i mundur pa një bashkëpunim të jashtëzakonshëm të partnerëve tanë të huaj në përpjekjet botërore për të zbatuar sanksionet amerikane të vendosura në përgjigje të luftës së paprovokuar dhe të pajustifikuar të Rusisë në Ukrainë”, tha Departamenti i Drejtësisë.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)