18 Nëntor 2019

SHBA pritet të vendos sanksione ekonomike ndaj Turqisë

Washington, 16 tetor - Presidenti Trump, po bën presion mbi Turqinë që të ndërpresë ndërhyrjen ushtarake në veri të Sirisë, duke paralajmëruar sanksione ekonomike, të cilat pritet të vendosen gjatë kësaj jave.

Ndërkohë nënpresidenti Mike Pence, është nisur drejt Ankarasë për të filluar bisedimet drejt arritjes së një zgjidhjeje. Turqia filloi ofensivën javën që shkoi, pas vendimit të befasishëm të presidentit Trump për të tërhequr forcat amerikane nga veriu i Sirisë. .

Një tjetër kolonë ushtarake turke hyri të hënën në very të Sirisë, në kuadër të ofensivës turke që filloi javën e kaluar.

Ankaraja thotë se synimi i saj është krijimi i një zone të sigurt përgjatë kufirit dhe largimi i luftëtarëve kurdë, të cilët Turqia i cilëson si terroristë.

Administrata Trump thotë se është duke u përgatitur për vendosjen e sanksioneve ekonomike ndaj Turqisë.

“Turqia është anëtare e plotë e NATO-s dhe një aleat i yni që po lufton me kurdët në Siri, të cilët na kanë ndihmuar të luftojmë ISIS-in. Është situatë e komplikuar të cilën po e vëzhgojmë me kujdes”, tha Sekretari amerikan i Thesarit, Steven Mnuchin.

Javën e kaluar Presidenti Trump urdhëroi tërheqjen e trupave amerikane nga veriu i Sirisë. Vendimi i papritur, është cilësuar si dritë e gjelbër për Ankaranë të nisë ndërhyrjen.

“Supozohej që qëndrimi ynë në Siri të zgjaste 30 ditë, por kemi mbetur atje për 10 vjet. Këto luftëra, nuk marrin fund kurrë”, deklaroi Presidenti Trump kur njoftoi tërheqjen e trupave amerikane nga Siria.

Shumë e panë veprimin e Presidentit Trup si nxitës të kaosit duke braktisur kurdët që ishin aleatë të ShBA-së. Ligjvënësit e të dy partive në Kongres, do të paraqesin planin e tyre të sanksioneve.

Por, Presidenti turk Erdogan, ka refuzuar thirrjet për tu tërhequr nga Siria, duke këmbëngulur në largimin e kurdëve nga kufiri.

Në një deklaratë, Sekretari amerikan i Mbrojtjes Mark Esper tha se ndërhyrja e Truqisë në Siri mund të hapë dyert për rishfaqjen e ISIS-it.

Qindra mbështetës të Shtetit Islamik raportohet të kenë ikur, gjë kjo për të cilën Donald Trump fajësoi kurdët.

Trupat siriane kanë shkuar në veri pas marrëveshjes me forcat kurde, të cilat ndihen të tradhëtuara nga Uashingtoni dhe i kanë kërkuar mbrojtje Damaskut.

Analisti Michael Lueders thotë se Rusia po e ndjek nga afër mundësinë e një konflikti midis Turqisë, Sirisë dhe kurdëve.

“Në fund janë ata që do të gjejnë një zgjidhje politike, sepse evropianët dhe amerikanët nuk kanë më ndonjë rol në këtë konflikt”, thotë analisti Michael Lueders.

Krahas sanskioneve amerikane, Bashkimi Evropian u ka bërë thirrje vendeve anëtare të ndërpresin shitjen e armëve për Ankaranë.

/voa/

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)