23 Janar 2019

SHBA fillon tërheqjen nga Siria

Washington, 12 janar - Duket se tërheqja amerikane nga Siria ka filluar, por se tani për tani, nuk po tërhiqet personeli prej rreth 2 mijë ushtarakësh amerikane, të cilët po ndihmojnë në luftën kundër Shtetit Islamik.

Një zyrtar i Pentagonit ka deklaruar për Zërin e Amerikës se tërheqja aktualisht përfshin "paisje dhe jo forca ushtarake".

Fillimisht ishte njoftuar nga vetë Pentagoni se koalicioni i udhëhequr nga Shtetet e Bashkuara në Siri ka filluar të largojë trupat nga vendi.

“Kemi nisur procesin e tërheqjes së planifikuar nga Siria", tha koloneli Sean Ryan, një zëdhënës i koalicionit amerikan i angazhuar në luftën kundër grupit të Shtetit Islamik.

"Për shkak të shqetësimit për sigurinë operacionale, nuk do të diskutojmë afate specifike, vendndodhje apo rreth lëvizjes së trupave."- tha ai.

Më parë këtë javë, këshilltari për Sigurinë Kombëtare Xhon Bolton bëri thirrje për mbrojtjen e milicisë së kurdëve të Sirisë, YPG-në si parakusht për tërheqjen e trupave amerikane nga vendi. Deklarata shkaktoi zemërimin e Presidentin turk Rexhep Tajip Erdogan dhe si pasojë ai refuzoi të takohej me zyrtarin amerikan.

YPG-ja është një aleat i rëndësishëm në luftën e Uashingtonit kundër Shtetit Islamik, por Ankaraja e konsideron atë si një grup terrorist, i lidhur me një përpjekjet për rebelim brenda Turqisë.

Trupat amerikane u përfshinë në luftën e Sirisë në vitin 2014, kohë kur në këtë vend mbërriti divizioni i parë eltitë me detyrën për të këshilluar luftëtarët e udhëhequr nga kurdët, të përfshirë në përpjekjet kundër grupit të Shtetit Islamik.

Kalendari

Ngjarjet e datës 24 janar 2019  - Projekti i financuar nga Bashkimi Evropian “Mbështetje Kodit Civil – faza 2”, i cili po mbështetë Ministrinë e Drejtësisë organizon ngjarjen “Rruga drejt një Kodi Civil modern të Kosovës,”. (Amfiteatri i Madh në ndërtesën e re të Qeverisë, ora 9:30)

- Shefja e Zyrës së BE-së në Kosovë, Nataliya Apostolova do të marrë pjesë në ceremoninë e dorëzimit të Kodit të ri Civil për Kosovën në Ministrinë e Drejtësisë. (Amfiteatri i Madh në ndërtesën e re të Qeverisë, ora 10:00)

- Ministria e Mbrojtjes dhe Ushtria e Kosovës organizojnë aksionin humanitar për dhurimin vullnetar të gjakut për nevojat e Qendrës Kombëtare të Kosovës për Transfuzion të Gjakut. (Komanda e  Forcave Tokësore të FSK-së, kazerma “Adem Jashari” në Prishtinë, ora 10:00)

- Ministri i Infrastrukturës dhe Transportit, Pal Lekaj pret në takim kryetarin e komunës së Prishtinës, Shpend Ahmeti, me të cilin do të nënshkruaj marrëveshje bashkëpunimi. (Kabineti i ministrit te Infrastrukturës dhe Transportit, ora 10:00)

- Lëvizja Vetëvendosje! shënon 100 vjetorin e vdekjes së Ismail Qemalit me homazhe tek shtatorja në Prishtinë. (Prishtinë, ora 10:30)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesën e Rektorëve të Universiteteve Publike rreth programeve të pa akredituara. (Ndërtesa e Kuvendit, salla N 303, ora 11:00)

- Me rastin e 90 vjetorit të lindjes së regjisores së mirënjohur të kinemasë shqiptare Xhanfise Keko, nën patronatin e Ministrisë së Kulturës dhe Ambasadës së Shqipërisë, do të shfaqet premierë filmi dokumentar "Koha e pelikulës" i regjisorit Mevlan Shanaj, dedikuar artistes që ia kushtoi krijimtarinë, botës së madhe të fëmijëve të vegjël. (Kino ABC, ora 11:00)
 
- Kryeministri Ramush Haradinaj vizitë pune në ndërmarrjen “Fox Marble”. (Fshati Poturovc në Lipjan, ora 12:30)

- Komisioni për Punë të Jashtme, Diasporë dhe Investime Strategjike, do të mbajë mbledhjen e radhës, në të cilën do te shqyrtohet draft-Planit të punës së Komisionit për vitin 2019. (Ndërtesa e Kuvendit, salla N-302, ora 13:00)

- Mbahet takimi i përbashkët i Këshillit Gjyqësor të Kosovës dhe Këshillit Prokurorial të Kosovës. (Objekti i Sekretariatit të Këshillit Gjyqësor të Kosovës, Rr. “Luan Haradinaj”, ora 14:30)

- Jepet shfaqja “I vetëm në banesë” i autorit gjilanas Avni Shkodra, me regji të Natyra Kallabës, kurse do të luajnë aktorët e Tetarit të Gjilanit. (Teatri i qyteti te Gjilanit, ora 19:00)