27 Shtator 2022

SHBA do të kundërpërgjigjet nëse Rusia përdor armët bërthamore

Bruksel, 24 mars - Presidenti i SHBA-së Joe Biden bëri thirrje që Rusia të përjashtohet nga grupi i kombeve G20 për shkak të luftës së saj kundër Ukrainës.

Duke folur në një konferencë për media në selinë e NATO-s në Bruksel, Biden, megjithatë, pranoi se çdo veprim “varet nga G20”, por tha se kjo u diskutua gjatë takimeve të tij me NATO-n dhe vendet aleate në Bruksel.

Biden tha se ai propozoi një alternativë nëse nuk ka marrëveshje brenda grupit për largimin e Rusisë.

Në atë rast, Biden tha se Ukraina duhet të lejohet të marrë pjesë në takimet e G20-tës si vëzhguese.

G20 përfshin disa nga ekonomitë më të mëdha në botë. Rusia u hoq nga ajo që atëherë njihej si G8 në vitin 2014 pasi aneksoi në mënyrë të njëanshme Gadishullin e Krimesë të Ukrainës dhe filloi mbështetjen e saj për separatistët rebelë në Ukrainën lindore.

G8 tani është G7, dhe përfshin SHBA-në, Kanadanë, Francën, Gjermaninë, Italinë, Japoninë dhe Mbretërinë e Bashkuar.

Biden vazhdoi të paralajmërojë Rusinë kundër çdo përdorimi të mundshëm të armëve kimike në Ukrainë, duke thënë se “ne do të përgjigjemi nëse” presidenti rus Vladimir Putin përdor armët e shkatërrimit në masë. Ai vazhdoi të mos specifikojë natyrën e përgjigjes, pasi edhe më parë kishte paralajmëruar “pasoja të rënda”.

“Natyra e përgjigjes do të varet nga natyra e përdorimit”, tha Biden gjatë konferencës.

Presidenti amerikan përshëndeti unitetin e aleancës transatlantike përballë luftës së Rusisë, duke thënë se ajo “kurrë nuk ka qenë më e bashkuar se sa është sot”.

“Putin po merr saktësisht të kundërtën e asaj që ai synonte të kishte si pasojë e hyrjes në Ukrainë. Ne ndërtuam të njëjtin unitet me Bashkimin Evropian dhe me demokracitë kryesore në G7”, tha Biden.

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)