05 Tetor 2022

SHBA dhe BE me sanksione më të ashpra kundër Putin

Washington, 6 prill - Shtetet e Bashkuara të Amerikës (SHBA) dhe Bashkimi Europian (BE) pritet të vendosin më shumë sanksione ndaj Rusisë mes akuzave për krime lufte në qytetin ukrainas të Bucha.

SHBA dhe BE do ta godasin Vladimir Putin në pikën e tij të dobët për të dëmtuar atë pas sulmeve vdekjeprurëse në Ukrainë.

Vajzat e Putin do jenë në shënjestrën e sanksioneve, ndërsa blloku po përgatit goditjen e tij të fundit ndaj Moskës pas krimeve të dyshuara të luftës në Ukrainë.

Katerina Tikhonova, 35, dhe Mariya Vorontsova, 36, janë në listën e fundit të BE-së të objektivave që përfshijnë oligarkë, politikanë dhe ata që thuhet se janë brenda rrethit të brendshëm të Putinit.

Tikhonova, një shkencëtare dhe Vorontosova, një endokrinologe, pritet të jenë subjekt i ngrirjes së aseteve dhe ndalimeve të udhëtimit në të gjithë kontinentin nga e mërkura.

Nuk dihet nëse dy vajzat e Putin kanë prona jashtë Rusisë, çdo jetë e mundshme luksi që ata mund të kishin në Evropë tani ka të ngjarë të jetë një ëndërr e largët.

SHBA njofton gjithashtu se do të rrisë ndihmën ushtarake duke dërguar 100 milionë dollarë në sistemet e raketave antitank Javelin në Ukrainë.

Ndihma vjen pasi Presidenti i Ukrainës Volodymyr Zelensky listoi mizoritë e supozuara ruse, në një fjalim në Këshillin e Sigurimit të OKB-së.

Duke shfaqur një video të tmerrshme, ai pretendoi se civilët ishin qëlluar në rrugë, ishin hedhur në puse dhe ishin shtypur nga tanket.


 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)