03 Korrik 2020

Shala merr pjesë në konferencën “Modeli Ndërkombëtar i Kombeve të Bashkuara'

Prishtinë, 18 shtator - Ambasadorja e Vullnetit të Mirë për Kosovën në IHRC Elvana Shala po qëndron sot në Dubai të Emirateve të Bashkuara Arabe me ftesë te organizatës United Youth Circuit dhe Ministrisë së Kulturës Rinisë dhe Sportit në EBA ku si e ftuar nderi dhe folëse ndërkombëtare do të marrë pjesë konferencën më të njohur edukative në botë “Modeli Ndërkombëtar i Kombeve të Bashkuara” që nisë punimet zyrtarisht nesër e që këtë vit organizohet për herë të parë në Lindjen e Mesme.

Shala nesër, para më shumë se 200 pjesëmarrësve të rinjë nga vende të ndryshme të botës do të flas për rolin e të rinjëve në ndërtimin e paqes në botë me shembull të vecantë rolin e të rinjëve të Kosovës në ndërtimin e paqes në vend dhe shtetndërtimin e Kosovës pas periudhës së luftës.

Përvec kësaj ajo do të flas edhe për rëndësinë e humanizmit për të ndryshuar botën, duke potencuar iniciativat e shumta humanitare të ndërmarra nga të rinjtë e vendit tonë për të sjellë paqe dhe stabilitet mes komuniteteve.

Përvec kësaj, në Dubai ajo do të jetë pjesë e panelit edhe në konferencën e paqes “ 4th Sheikh Zayed Peace Conference” e shoqëruar nga personalitete të njohura arabe të familjeve mbretërore të fushës së filantropisë, kulturës dhe diplomacisë.

Në kuadër të vizitës së saj në Emiratet e Bashkuara Arabe, Ambasadorja Shala do të vizitoj edhe Ambasadën e Kosovës në Abu Dhabi ku do të pritet nga Ambasadori i Kosovës atje z. Avni Arifi.

Kalendari

Ngjarjet e datës 3 Korrik 2020

- Kryeministri i Republikës së Kosovës, Avdullah Hoti, viziton Republikën e Shqipërisë ku do të zhvillojë takim me kryeministrin Edi Rama. (Pallati i Brigadave në Tiranë, ora 10:00)

- Ministri  i Arsimit dhe Shkencës, Ramë Likaj, viziton Komunën e Deçanit, ku pritet në takim nga kryetari Bashkim Ramosaj. (Salla e Asamblesë Komunale, Deçan, ora 10:00)

- Ambasadori hungarez në Kosovë, Laszlo Markusz, viziton Komunën e Gjakovës. (Ndërtesa e Komunës, ora 10:45)

- Lëvizja FOL organizon konferencë për media, me ç’rast do të publikoj raportin “Pagesat e Vendimeve Gjyqësore nga Komunat - Vitet 2017, 2018, 2019”. (Zyret e Lëvizjes FOL, ora 11:00)

- Kryeministri i Kosovës, Avdullah Hoti dhe Kryeministrit të Shqipërisë, Edi Rama mbajnë konferencë e përbashkët për shtyp. (Pallati i Brigadave në Tiranë, ora 11:15)

- Hapet ekspozita “Ditarët e Depresionit” e realizuar nga Ferdi Limani. (Shtëpia e Evropës në Prishtinë, ora 12:00)

- Banorët e lagjes ”Qendra” protestojnë, të pakënaqur me shërbimet komunale. (Rr.“Rexhep Luci”, ora 12:00)

- Lëvizja Vetëvendosje! mban konferencë për media në të cilën flasin deputetët Arbërie Nagavci dhe Hajrulla Çeku. (Oborri i Kuvendit të Kosovës, ora 13:00)

- Kryeministri i Republikës së Kosovës, Avdullah Hoti takohet me Presidentin e Republikës së Shqipërisë, Ilir Meta. (Presidenca e Shqipërisë, ora 13:10)

- Kryeministri i Republikës së Kosovës, Avdullah Hoti takohet me Kryetarin e Kuvendit të Shqipërisë, Gramoz Ruçi. (Zyra e Kryetarit të Kuvendit, ora 14:00) 

- Komisioni Qendror i Zgjedhjeve mban mbledhjen e radhës. (Selia e KQZ-së, ora 14:00)

- Kryeministri i Republikës së Kosovës, Avdullah Hoti takohet me Kryetarin e Bashkisë së Tiranës, Erion Veliaj. (Zyra e Kryetarit të Bashkisë, ora 14:45)
 
- Kryeministri i Republikës së Kosovës, Avdullah Hoti takohet me Kryetarin e Partisë Demokratike, Lulzim Basha. (Zyra e Kryetarit të PD-së, ora 15:30)