06 Dhjetor 2022

Serbia, asnjanëse ushtarakisht vetëm në letër

Beograd, 25 mars - A është Serbia një vend asnjanës nga ana ushtarake, sikurse e reklamon ajo veten, ndërsa pretendon se kjo asnjanësi, e shpallur publikisht nga Skupshtina (Parlamenti) serbe, e pengon atë, në një shkallë të konsiderueshme, që të bashkohet me NATO-n?

Janë vetë analistët ushtarakë e politikë serbë që i japin përgjigje kësaj pyetjeje, duke pranuar se Serbia nuk është asnjanëse ushtarakisht, sepse, në fund të fundit, një status të tillë asaj nuk ia njeh askush në botë, ndërkohë që, po sipas tyre, deklarata për asnjanësinë ushtarake të Serbisë i shërben asaj vetëm për nevojat e saj të brendshme.

Presidenti i Serbisë, Boris Tadiç, sidoqoftë, deklaroi kohët e fundit se Serbia nuk do ta ndryshojë vendimin e saj për asnjanësinë ushtarake deri sa të vazhdojë mandati i kësaj qeverie, ndërsa pritet që edhe qeveritë e ardhshme nuk do ta ndryshojnë këtë vendim të Skpushtinës serbe.

Por, megjithatë, analistë politikë, sidomos, ata ushtarakë serbë, në disa prononcime të tyre të fundit në gazetën e përditshme serbe “Blic”, e vinin theksin te fakti se Serbia nuk mund të konsiderohet si një vend asnjanës nga ana ushtarake, sepse asaj askush nuk ia ka njohur një status të tillë.

“Që të jemi një vend asnjanës, duhet të jemi asnjanës, por, ne, megjithatë, nuk jemi të tillë, sepse kjo asnjanësi nuk është konfirmuar nga asnjë marrëveshje ndërkombëtare, sikurse ka ndodhur kjo në rastin e Zvicrës, Austrisë dhe Suedisë”, i deklaroi gazetës së mësipërme serbe, Zoran Dragishiç, ekspert për çështjet e sigurisë. Në këtë kontekst, analistët serbë sjellin shembullin e Greqisë, e cila, sipas tyre, megjithëse anëtare e NATO-s, është shumë më neutrale sesa Austria dhe Suedia, pasi ushtarët grekë nuk marrin pjesë në asnjë lloj misioni, në dallim nga ushtarët austriakë dhe suedezë.

“NATO është kudo rreth nesh. Ajo tanimë nuk është vetëm një aleancë ushtarake, por edhe politike, edhe ekonomike. Çështja e anëtarësimit tonë në Aleancë shtrohet hapur, për më tepër nëse duam të hyjmë në BE. Kam mendimin se presionet e Rusisë do të ndalojnë, sapo ne të paraqesim kandidaturën tonë për hyrje në NATO, sikurse ka ndodhur kjo në rastin e Rumanisë dhe të Bullgarisë”, theksoi eksperti serb.

Analisti ushtarak serb, Aleksandër Radiç, nga ana tjetër, konsideron se asnjanësia ushtarake nuk ka peshë politike. Sipas tij, Serbia edhe në të ardhmen do të vazhdojë të ndodhet përballë presioneve të mëdha të Moskës.

“Duhet të përcaktohemi nëse duam të hymë ose jo në NATO, sepse asnjanësia nuk ekziston dhe atë nuk e njeh askush. Nuk ka alternativë tjetër veç NATO-s”, theksoi ai. I pyetur lidhur me atë nëse Serbia do të orientohet drejt sistemit të sigurimit, të cilin ia prezantoi Beogradit, vitin e kaluar, Presidenti rus, Dmitrij Medvedev, dhe që parashikon edhe krijimin e një mburoje raketore të vetme në kontinent, Radiç vuri në dukje se një sistem i tillë nuk ekziston.

“Deri tani, kemi pasur bindjen se Moska nuk ka asgjë kundër hyrjes sonë në Aleancën e Veriut, kurse tani po dëgjojmë fjalë të tilla se, nëse kjo ndodh, ajo do të njohë Kosovën! Duket qartë se qëndrimi i saj ndaj krahinës jugore (Kosovës) nuk është parimor”, nënvizoi ai.

Analistët serbë, sikurse shkruan gazeta e përditshme serbe “Blic”, në shumicën e tyre, janë të mendimit se nuk ka pasur presion as nga SHBA-ja dhe as nga BE-ja që Serbia të anëtarësohet në NATO, ndërkohë që, nga ana tjetër, vënë në dukje “kërcënimet e Rusisë” që, sipas tyre, nuk duhet të merren parasysh.
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)