05 Tetor 2022

Rusia ka kryer krime lufte në Ukrainë

Washington, 25 mars - Administrata e Presidentit Joe Biden ka akuzuar zyrtarisht Rusinë për krime lufte në Ukrainë dhe ka bërë të ditur se Uashingtoni do të koordinohet me vende të tjera për të ndjekur në rrugë ligjore përgjegjësit.

Në një kohë kur Rusia vazhdon të godasë objektivat civilë në Kiev dhe qytete të tjera të Ukrainës, zyrtarët e Departamentit të Shtetit janë treguar të kujdesshëm në etiketimin e sulmeve ruse si krime lufte, duke theksuar nevojën për hetime.

Ambasadorja e Shteteve të Bashkuara Beth Van Schaack është përqëndruar në drejtësinë penale globale. Ajo u konfirmua nga Senati javën e kaluar dhe bëri një njoftim të rëndësishëm në ditën e dytë të saj në detyrë.

“Më herët, Sekretari Blinken njoftoi përmes një deklarate se bazuar në të dhënat aktuale, qeveria e Shteteve të Bashkuara vlerëson se forcat ruse po kryejnë krime lufte në Ukrainë.”

Ajo tha se Shtetet e Bashkuara dhe partnerët e saj janë tronditur nga imazhet e sulmeve të forcave ruse nga toka dhe ajri ndaj objektivave civilë në Mariupol, përfshirë maternitetin, shkollat dhe muzeumet.

E pyetur nga shtypi nëse vlerësimi për krime lufte vlente edhe ndaj Presidentin Putin, Ambasadorja Van Schaack u shpreh:

“Kemi të bëjmë me një zinxhir komande kur bëhet fjalë për një ushtri si ajo ruse. Në bazë të parimeve dhe ligjit ndërkombëtar ne mund të mbajmë përgjegjës ata që janë përfshirë drejtpërdrejt, ata që mund të jenë bashkëpunëtor ose thënë ndryshe, ata që janë përfshirë në veprimtari kriminale me autorët e krimeve”.

Pavarësisht pamjeve filmike ku shihet bombardimi i spitaleve dhe objekteve civile në Ukrainë, Rusia ka mohuar se ka shënjestruar qëllimisht civilët.

Zyrtarët amerikanë thonë mbajta e përgjegjësive për krime i takon një tribunali që ka juridiksion. Duke folur në Institutin Amerikan të Paqes, ambasadorja e Ukrainës në Shtetet e Bashkuara, Oksana Markarova, kujtoi kampin e parë nazist të përqendrimit të krijuar në mars 1933 pranë Mynihut.

“Fatkeqësisht, sot historia po përsëritet. Përsëri në qendër të Evropës, në Ukrainë, po flasim për mizori, gjenocid, krime lufte dhe krime kundër njerëzimit”.

Ekspertja e së drejtës ndërkombëtare, Jane Stromseth, thotë se Gjykata Penale Ndërkombëtare (ICC) ka filluar një hetim mbi Ukrainën.

“Prokurori i Gjykatës Ndërkombëtare Penale (ICC) ka dërguar një ekip hetuesish në Ukrainë. Ai ka ka qënë vetë atje dhe ka biseduar me zyrtarë ukrainas, përfshirë Presidentin Zelenskyy.”

Ka të ngjarë që gjatë qëndrimit në Evropë, Presidenti Biden të diskutojë me vendet aleate lidhur me krimet e luftës.

Estonia, Lituania, Gjermania, Polonia, Sllovakia dhe Suedia po hetojnë ato që mund të përbëjnë krime lufte në Ukrainë, me synimin për ruajtjen e provave për llogaridhënie.

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)