11 Korrik 2020

Rusia fsheh të dhënat reale për koronavirusin

Moskë, 24 mars - Në Rusi dyshohet se po mbahen të fshehura përmasat reale në lidhje me epideminë e koronavirusit të ri (Covid-19), i cili gjatë regjistrimit të rasteve klasifikohet si pneumoni. 

Anastasia Vasilyeva, drejtuese e Sindikatës së Bashkimit të Mjekëve të Rusisë, ka postuar në median sociale një videomesazh, ku ajo vlerëson situatën në vendin e saj lidhur me epideminë Covid-19.

Duke pretenduar se të shifrat reale mbahen të fshehura, Vasilyeva thotë:

"Mjekët detyrohen të fshehin situatën e vërtetë dhe të heshtin për mungesën e pajisjeve speciale mbrojtëse. Kjo mund të jetë një kërcënim për vendin tonë. Kjo është një marrëzi e autoriteteve ruse."

Vasilyeva shprehet se mjekët rusë janë të detyruar t’i trajtojnë pacientët pa pasur pajisjet e duhura mbrojtëse.

"Fakti që mjekëve nuk u jepen pajisjet mbrojtëse të nevojshme të punës që përdoren në të gjithë botën është një krim që kryhet kundër njerëzve”,- komenton kryetarja e Sindikatës së Mjekëve rusë.
 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)