17 Qershor 2019

Rumania merr kryesinë e radhës së Bashkimit Evropian

Bruksel, 12 janar - Rumania po merr kryesinë e radhës të Bashkimit Evropian, në një kohë që është nën vëzhgim të kujdesshëm lidhur me sinjale shqetësuese për shtetin ligjor dhe demokracinë.

Presidenti i vendit tha se marrja e presidencës është një shans për të treguar se Bukureshti përqafon vlerat demokratike, por gjashtë muajt në vazhdim do të provojnë vërtetësinë e këtij angazhimi.

Presidenti Klaus Iohannis tha në Bukuresht se ndasitë politike brenda vendit janë të kapërcyeshme.

“Shpresoj që të gjeni një vend të përgatitur mirë për Presidencën (e BE-së). Filluam mbrëmë me një aktivitet shumë të mirë kulturor. Kultura na bashkon, politika jo gjithmonë. Por mendoj se do të jemi në gjendje të provojmë se arti i politikës është diçka që mund të perfeksionohet”, tha zoti Iohannis.

Rumania, vendi i dytë më i korruptuar i Bashkimit Evropian, është i përçarë politikisht dhe nën mbikqyrjen e BE-së lidhur me shqetësime për shtetin ligjor. Presidenti i Komisionit Evropian, Jean-Claude Juncker, tha se Bukureshti do të dëmtonte shtetin ligjor, nëse dekriminalizonte disa forma korrupsioni dhe u ofronte amnisti shkelësve.

“Është e vërtetë që Evropa është ndërtuar në bazë të kompromisit, por nuk mund të ketë kompromis kur bëhet fjalë për thelbin e shtetit ligjor. Dhe thelbi i shtetit ligjor do të ndikohej negativisht nëse shpallej një amnisti, siç shpresojnë disa në këtë vend. Ky do të ishte një hap prapa”, tha ai.

Udhëheqësi i partisë Social-Demokrate në pushtet, Liviu Dragnea është shpallur fajtor për manipulim votash dhe ka kërkuar ndryshime, mes së cilave dekretimin e faljeve dhe amnistisë, nga të cilat do të përfitonte edhe ai vetë. Ai mohon të ketë bërë ndonjë shkelje, por nuk mund të bëhet kryeministër.

Në nëntor, ligjvënësit miratuan një projekt-ligj të propozuar nga social-demokratët dhe partneri i tyre i koalicionit që do të zhdukte provat e përgjimeve, të përdorura për të ndjekur penalisht raste të kaluara të korrupsionit dhe mund të shfuqizonte qindra dënime.

Nëse miratohet ai do të zhdukte në mënyrë prapavepruese prova të interceptuara nga shërbimet e zbulimit me kërkesën e prokurorëve, mbështetur në fletë-arresti lëshuar nga gjykatat.

Presidenti centrist Iohannis i ka kritikuar planet e Social-Demokratëve për të ndryshuar rregullat e gjyqësorit, gjë që ka shqetësuar BE-në.

Kalendari

Ngjarjet e datës 18 qershor 2019 - Mbahet mbledhja e jashtëzakonshme e Kuvendit të Komunës së Prizrenit me pikën e vetme të rendit të ditës në lidhje me kërkesën për pezullim të financimit të klubit të futbollit "KF Liria" dhe formimin e një komisioni prej 5-7 anëtarëve nga ana e Kuvendit. (Salla e mbledhjeve të Kuvendit në Shtëpinë e Bardhë, ora 10:00)

- Agjencia e OKB-së për refugjatët në Prishtinë - UNHCR do të mbajë një takim të dialogut të hapur për të ngritur vetëdijen për Marrëveshjen Globale për Refugjatët. (Sheshi 21, ora – 12:00)

- Ministri i Shëndetësisë, Uran Ismail raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave dhe përfshirja e barnave për sëmundjet e rralla si dhe informatën rreth furnizimit të SHSKUK-së me infuzione. (Ndërtesa e Kuvendit, salla C 203, ora 10:00)

- Drejtorja e USAID-it në Kosovë Lisa Magno viziton Ministrin e Shëndetësis dhe takohet me Ministrin Uran Ismailin. (Ndërtesa e Ministrisë së shëndetësisë, ora 10:00)

- Ministri i Drejtësisë, Abelard Tahiri, së bashku me Kryesuesin e Këshillit Gjyqësor të Kosovës, Skënder Çoçaj vizitojnë Dhomën e Posaçme të Gjykatës Supreme. (Dhoma e Posaçme e Gjykatës Supreme, ora 10:30)

- Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal shqyrton raportin me rekomandimet për mbikëqyrjen e zbatimit te Ligjit për Shërbime si dhe raportin Vjetor i Zyrës së Rregullatorit të Energjisë.  (Ndërtesa e Kuvendit, salla N 303, ora 11:00)

- Kryeministri Ramush Haradinaj bën homazhe dhe merr pjesë në tubimin përkujtimor te lapidari i dëshmorit Basri Canolli - Shpendi në fshatin Marec të Komunës së Prishtinës. (Fshati Marec, ora 11:00)

- Komisioni për Punë të Jashtme, Diasporë dhe Investime Strategjike mban dëgjim publik për Projektligjin për Diasporën. (Ndërtesa e Kuvendit,C-405, ora 11:00)

- 'Të flasim për Ekonominë' organizon tyrezë për të Drejtat Evropiane të Konsumatorëve për Kosovën. (Shtëpia e Evropës, Rruga e UÇK-së ora 11:00)

- Mbahet mbledhja e komisionit për Integrime Evropiane në të cilën do të shqyrtohet projektligji për mbrojtjen e ajrit nga ndotja, me amendamentet e Komisionit funksional nga aspekti i përputhshmërisë me legjislacionin e BE-së.  (Ndërtesa e Kuvendit, salla N204, ora 11:00)

- Drejtori i Inspekcionit i Komunes se Gjilanit, Nevzad Rushiti mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Grupi Parlamentar i Lidhjes Demokratike të Kosovës mban konferencën për media. (Ndërtesa e Kuvendit te Kosovës, kati III, para sallës C301, ora 12:30)

- Mbahet ushtrimi gjithëpërfshires, ku do të simulohet një aksident ajror dhe do të reagohet në perputhje me standardet e Agjencionit Evropian per Siguri ne Aviacion. (Terminali i Aeroportit  "Adem Jashari", ora 14:30)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 15:00)

- Ambassadori Kosnett do të flasë me rastin e përmbylljes së programit Lidershipi Transformues - Bursat dhe Partneritetet. (Hoteli Emerald, ora 17:30)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Një Muaj" nga Zgjim Terziqi dhe "Daullet e Rezistencës" nga Methieu Jouffre. (Kino Armata, ora 20:00)