16 Dhjetor 2017

Putin kërkon të rizgjidhet president marsin e ardhshëm

Moskë, 7 dhjetor - Presidenti rus Vladimir Putin njoftoi se do të kërkojë një mandat të ri në zgjedhjet presidenciale vitin e ardhshëm.

"Në të vërtetë, ky është vendi dhe motivi më i mirë për të njoftuar një vendim të tillë. Faleminderit për mbështetjen tuaj. Unë do të kandidoj për president të Federatës Ruse".

Putin u zgjodh president i Rusisë për herë të parë në vitin 2000 dhe u rizgjodh në 2004-ën. Ai shërbeu si kryeministër në periudhën 2008-2012. Në vitin 2012, ai u rizgjodh president i Rusisë.

Zgjedhjet e ardhshme presidenciale në Rusi do të mbahen në muajin mars. Fushata zgjedhore do të fillojë në fund të dhjetorit.

Vlerësimet mbi miratimin e Putinit si president i ardhshëm përbëjnë aktualisht 80 për qind, duke shtuar gjasat për një mandat të ri.

Kalendari

Ngjarjet e datës 16 Dhjetor 2017

- Mbahet kuvendi i jashtzakonshëm zgjedhor për të zgjedhur kryesuesin/en e bordit të Asociacionit te Gazetarëve të Kosovës. (Salla e Kuqe e Fakulteti Filologjik, ora 10:00)

- Kryeministri Ramush Haradinaj merr pjesë në takimin e Këshillit Kombëtar për Zhvillim Ekonomik. (Ndërtesa e Qeverisë, ora 11:00)

- Gjimnazi Hasan Nahi në kuadër të Fondacionit për Arsim dhe Kulturë Atmosfera organizon edicionin e pestë me radhë Gara e Intelegjencës "EUREKA 5". (Në të gjithë Kosovën në shkollat e përcaktuara nga Komunat, ora 11:00)

- Organizata “Let’s Do It Kosova” bashkëpunim me Komunën e Gjakovës dhe Kompaninë Rajonale të Pastrimit “Çabrati”do të organizojë aksion pastrimi në Lagjen Berkoc të Gjakovës. (Afër Varrezave të Qytetit, Gjakovë, ora 11:00)

- Lidhja e Shkrimtarëve të Kosovës mban takimin letrar “Esad Mekuli”. Në kuadër të takimit organizohen sesioni letrar, i cili i kushtohet albanologut Robert Elsie. (Instituti Albanologjik, ora 12:00)