Moskë, 9 nëntor - Një ushtar rus ka vrarë të paktën tre zyrtarë të tjerë ushtarakë, në një bazë ajrore në rajonin e Voronezh.

Siç njoftojnë mediat ruse, një ushtar ka qëlluar mbi shokët e tij, duke lënë të vdekur dy oficerë dhe një mercenar, ndërsa viktima e katërt i ka mbijetuar plagëve dhe është shtruar në spital.

Shërbimet e urgjencës mjekësore kanë njoftuar se të shtënat ndodhën në ora 05:45, sipas kohës lokale në Moskë. Hetuesit dhe prokurorët e kanë konfirmuar aksidentin, por nuk kanë pranuar të japin detaje.

Media ruse Interfax, duke cituar një burim që lidhet me incidentin, thotë se i dyshuari është ushtari 20-vjecar Anton Makarov.