06 Dhjetor 2022

Moti më ekstrem në historinë moderne

Uashington, 8 shkurt - Një mot jashtëzakonisht i ashpër ka përfshirë dje rajonin e Atlantikut, me reshje të mëdha bore, shi, erë dhe temperatura jashtëzakonisht të ulëta.

 

Si pasojë është krijuar një bllokim në trafik, janë shembur pemë dhe ka pasur mungesë elektriciteti nëpër zona të ndryshme. Zyrtarët kanë nxitur njerëzit që të qëndrojnë në shtëpi, pasi qëndrimi jashtë mund të ishte shumë i rrezikshëm për jetën e tyre.

Sipas parashikuesve të motit për kryeqytetin amerikan, kjo stuhi e jashtëzakonshme dëbore mund të jetë më e madhja dhe më e vështira në të gjithë historinë moderne të vendit. Në Uashington, parashikohet një dëborë që mund të arrijë lartësinë e një metri dhe Shtëpia e Bardhë, si kurrë më parë, do të jetë vërtet e bardhë e gjitha, përfshi edhe kopshtin e gjelbër.

Sasia më e madhe e reshjeve të borës do të jetë në fillim të javës. Paralajmërime për të qëndruar brenda në shtëpi për shkak të motit të paparashikuar janë bërë edhe në Distriktin e Kolumbias, Baltimore e pjesë të Nju Xhersit. Një fenomen i vazhdueshëm është rënia e pemëve, që zakonisht mund të shkaktojnë dëme, por, mbi të gjitha, shkaktojnë turbullira në trafik dhe lëvizje, sidomos kur bien në mesin e rrugëve.

Sipas një komentatori në Uashington, njerëzit zakonisht tremben kur bie dëborë, por këtë herë, frika dhe paniku mund të jetë i justifikueshëm. Bëhet fjalë për stuhinë e dytë të borës në vend, brenda një periudhe dymujore, që është shoqëruar me erë të fuqishme dhe reshje të pandërprera bore.

Mijëra konsumatorë në të gjithë zonën kanë humbur elektricitetin dhe të tjerë pritet që të përballen me defekte teknike të këtij lloji. Ndërkohë asgjë nuk është e parashikuar. Sipas autoriteteve, kjo stuhi e madhe është edhe përgjegjësja për shumë aksidente rrugore dhe jashtë rruge si përplasjet e makinave.

Si pasojë e motit është mbyllur dje edhe metroja e Uashingtonit, që është një arterie kryesore për transportin dhe lëvizjen e njerëzve, ndërkaq ka funksionuar me ndërprerje sistemi i autobusëve. Në disa zona është një gjendje gjysmë e jashtëzakonshme dhe qeveritarët po llogarisin ndërkohë faturën e dëmeve të mundshme.

Për momentin, Uashingtoni është shndërruar në një qytet aspak mikpritës edhe për turistët të cilët nuk kanë guxuar të dalin nëpër sheshet e tij në një mot të tillë, duke preferuar të qëndrojnë nëpër hotele deri në përmirësimin e motit.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)