05 Dhjetor 2022

Maqedoni, zgjedhjet pritet të mbahen në vjeshtë

Shkup, 10 shkurt - Partitë politike në Maqedoni kanë nisur që tani fushatën për zgjedhjet e parakohshme, që sipas të gjitha gjasave do të mbahen në vjeshtë.

Opozita është në procesin e konsolidimit, ndërsa situate ekonomike vazhdon të përkeqësohet çdo ditë e më shumë.

Shteti ka probleme me buxhetin, ndërsa proceset eurointegruese ka pak gjasa që të zhbllokohen, pasi edhe kryeministri grek Papandreu e refuzoi takimin me homologun maqedonas Gruevski.

Të gjithë këta indikatorë tregojnë shanset reale për zhvillimin e zgjedhjeve të parakohshme.

Analisti Albert Musliu deklaron për gazetën “Lajm” se, sa më vonë që të mbahen zgjedhjet e parakohshme, aq më tepër situata shkon në favor të opozitës. “Çdo ditë që kalon rritet urrejtja ndaj Qeverisë”, thotë Musliu.

Ai sqaron se në procesin e eurointegrimeve nuk duket asnjë sinjal pozitiv dhe pa mbylljen e negociatave për emrin nuk ka eurointegrim.

“Eurointegrimet nuk janë të nevojshme vetëm politikisht, për shkak se ato ndikojnë negativisht në marrëdhëniet ndëretnike, por edhe në zhvillimin politik. Interesi i investitorëve të huaj është minimal, ndaj dhe shanset që Maqedonia ta kalojë këtë krizë ekonomike janë minimale. Shanset që buxheti të mbushet nëpërmjet recensionit, gjithashtu është minimal, pra realisht zgjedhjet priten”, thotë Musliu.

Sipas analistit Musliu, në qershor ka pak gjasa që të mbahen zgjedhjet, pasi për momentin të gjitha partitë janë në fazën e negociatave për zgjedhje të parakohshme, edhe pse siç thotë ai, fushatën e kanë nisur që të gjitha partitë.

Pavarësisht se kur do të mbahen zgjedhjet e parakohshme, Gruevski, nuk ka shanse që ta përsërisë fitoren e zgjedhjeve të vitit 2008.

“Gruevski s’ka shanse që të kapë të njëjtin numër të deputetëve. Siç shkojnë tensionimet me BDI-në, mendoj se do të ketë një epërsi më të vogël se në vitin 2008, dhe besoj se edhe vullneti i partive shqiptare do të jetë më i vogël për të bërë koalicion me të”, thotë Musliu.

Ndërkohë, sipas tij, elektorati shqiptar ndryshon brenda 24 orëve. “Nëse qëndrimi i BDI-së ndaj Gruevskit, i cili i shkaktoi shumë dëme kësaj partie, është më i ashpër, ka gjasa që ta mbaj epërsinë, por nëse nuk ka përmirësime ka shanse që ti afrohet PDSH-ja”, thotë Musliu.

Musliu thekson se të gjitha partitë iu kanë përveshur punës për të fituar simpatinë e qytetarëve, edhe pse deri më tani asnjëra nuk ka bërë asgjë për ta.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)