20 Tetor 2019

Kosova dhe Maqedonia nënshkruajnë Memorandum për luftimin e korrupsionit

Shkup, 19 korrik - Përfaqësuesit e Agjencisë Kundër Korrupsion morën pjesë në takimin zyrtar me përfaqësuesit e zyrës homologe të Maqedonisë së Veriut.

Drejtori i Agjencisë Kundër Korrupsion, së bashku me një delegacion nga Agjencia Kundër Korrupsionit u takuan me përfaqësuesit e  Komisionit Shtetëror për Parandalimin e Korrupsionit në Maqedoni Veriore.

Drejtori i Agjencisë, Havolli, u prit nga znj. Biljana Ivanoska, Kryetare e Komisionit Shtetërore për Parandalimin e Korrupsionit në Maqedoni, të shoqëruar me përfaqësuesit e tjerë, anëtarët dhe nëpunësit e këtij Komisioni. 

Në këtë takim të dyja palët diskutuan për punët dhe sfidat e institucioneve në fushën e ndryshimeve legjislative, procesin e deklarimit të pasurisë së zyrtarëve të lartë, konfliktit të interesit, si dhe për forcimin e mekanizmave aktual në parandalimin dhe luftimin sa më efikas të korrupsionit. 

Në këtë takim palët nënshkruan Memorandumin për Bashkëpunim mes të dyja institucioneve për bashkëpunim në bazë të kompetencave të tyre sipas dispozitave të legjislacionit në fuqi në vendet respektive.

Ky Memorandum ka për qëllim të zyrtarizoj bashkëpunimin me qëllim të shkëmbimit të përvojave dhe praktikave në mes palëve në fushat që lidhen me parandalimin e korrupsionit, prejardhjen dhe kontrollin e pasurisë dhe të dhuratave,  parandalimin e konfliktit të interesit në ushtrimin e funksionit publik dhe parandalimin e korrupsionit në aktivitete e prokurimit publik.

Ky bashkëpunimi do të fokusohet në shkëmbimin e njohurive dhe përvojave në fushat e lartë-përmendura me qëllim të zbatimit të praktikave dhe standardeve më të mira ndërkombëtare.
 

Kalendari

Ngjarjet e datës 19 tetor 2019 - Oda e Mjekëve te Kosovës organizon ditën e dytë të kongresit dhe panairit të parë të Mjekësisë” (Hotel Emerald, ora 9:00)

- Kampionati ekipor në pingpong,  vazhdon më garat ekipore në superligën e femrave si dhe do të zhvillon ndeshjet e fundit në ligën e juniorëve. (Shkoll Tefik Qanga në Ferizaj, ora 10:00)

- Sindikata e Policisë se Kosovës organizon Edicionin e 7-të i Lojërave sportive në shenjë respekti dhe përkujtimi për zyrtarët policor të rënë në kryerje të detyrës. (Palestra Sportive “Bashkim Selishta – Petriti”, Gjilan, ora 10:00)

- Parlamenti Studentor i Universitetit të Prishtinës “Hasan Prishtina” mban akademi përkujtimore me rastin e 20-vjetorit të vdekjes së rektorit të UP-së, Ejup Statovci. (Biblioteka Kombëtare, ora 12:00)

- Rrjeti i Grave të Kosovës organizon protestën #RiseUp4Rojava në solidaritet me kurdët. (Para Teatrit Kombëtar të Kosovës, ora 13:00)

- Shoqata humanitare "Sytë kërkojn dritë" me seli në Lozanë të Zvicrrës organizon mbrëmje humanitare në ndihmë të personave me aftësi të kufizuara. (Hotel OK në Prizren, ora 19:00)