12 Gusht 2020

Koreja Veriore teston dy raketa me rreze të shkurtër

Phenian, 25 korrik - Koreja Veriore ka kryer testimin e dy raketave me rreze të shkurtër veprimi në mëngjesin e 25 korrikut, ka thënë Shefi i Shtabit të Përgjithshëm të Koresë Jugore.

Të dyja raketat janë nisur nga qyteti bregtar Wonson në lindje të Koresë Veriore dhe kanë fluturuar 430 kilometra para se të arrinin në det.

Ky ka qenë hapi i parë i Phenjanit në më shumë se dy muaj, prej kur lideri verikorean, Kim Jong-un dhe presidenti amerikan, Donald Trump janë pajtuar për të rikthyer negociatat për denuklearizim.

Agjencia e lajmeve, Associated Press ka cituar një zyrtar jugkorean të mbrojtjes të ketë thënë se Shtetet e Bashkuara kanë hetuar njërën nga raketat.

Ministri japonez i Mbrojtjes, Takeshi Iwaya, ka thënë se Tokio nuk ka gjetur ndonjë objekt në territorin e saj apo në zonën ekonomike.

Megjithatë, Iwaya ka thënë se nëse raketat kanë qenë balistike, atëherë këto veprime janë në kundërshtim me sanksionet e Kombeve të Bashkuara.

Bisedimet për denukealizim në mes të Trumpit dhe liderit verikorean janë bllokuar pas takimit të dytë të mbajtur në muajin shkurt.

Koreja Veriore ka treguar vazhdimisht pakënaqësi rreth stërvitjeve të përbashkëta në mes të Shteteve të Bashkuara dhe Koresë Jugore.

Zyrtarët verikoreanë kërkojnë heqjen e sanksioneve ndaj shtetit të tyre në mënyrë që të fillojë procesi i denuklearizimit, mirëpo SHBA-ja kundërshton një gjë tillë.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)