Beograd, 15 mars - Raportuesi i Parlamentit Evropian për Serbinë, Jelco Kacin i bën thirrje Beogradit t’i vijë në ndihmë Prishtinës, pasi në këtë mënyrë i vjen në ndihmë edhe serbëve që jetojnë në këtë Republikë.

Në një intervistë për mediat serbe, Kacin ka theksuar se Serbia po injoron dhe kundërshton serbët që jetojnë në Kosovë, duke i sjellë pengesa kësaj të fundit.

“Duhet një ndryshim i praktikës, ndryshim në të mirë. Njerëzve i duhet lehtësuar jeta. Njerëzve i duhet ndihma që të qëndrojnë në Kosovë për të jetuar atje. Duhen vende pune për shqiptarët dhe për serbët, Kosova duhet ndihmuar dhe mbështetur’, tha Kacin.