05 Tetor 2022

Gjermania do të dërgojë sistemin multi raketahedhës në Ukrainë

Berlin, 16 qershor - Gjermania do të dërgojë në Ukrainë sistemin multi-raketahedhës "Mars 2".

Ministrja gjermane e Mbrojtjes, Christine Lambrecht në një deklaratë në Bruksel tha se Ukraina ka nevojë për armë që përdorin kryesisht njësitë e artilerisë.

"Si Gjermani kemi vendosur të dërgojmë në Ukrainë 3 sisteme multi-raketahedhës 'Mars 2' dhe qindra raketa që ndodhen në inventarin e ushtrisë tonë. Ndërsa edhe trajnimin për sistemin 'Mars 2' do ta kryejmë me partnerët tanë të SHBA-së dhe Britanisë së Madhe", shtoi Lambrecht.

Christine Lambrecht vuri në dukje se sistemet 'Mars 2' janë planifikuar të dërgohen në Ukrainë në fund të muajit korrik ose në fillim të muajit gusht.

Në fjalën e saj, Lambrecht shtoi se këtë mbështetje e japin për mbrojtjen e sovranitetit të Ukrainës.

Sllovakia ka njoftuar se ka kryer ndihmë ushtarake për Ukrainën.

Ministri sllovak i Mbrojtjes, Jaroslav Nad njoftoi për ndihmat e vendit nga media sociale pas takimit të Grupit të Kontaktit të Mbrojtjes së Ukrainës të mbajtur mbrëmë në Bruksel.

Nad tha se krahas helikopterëve të serisë 5 Mi kanë dhënë Ukrainës mijëra raketa 'Grad' 122 milimetër.

SHBA-ja ka njoftuar se do t'i dërgojë Ukrainës sistemin raketor të drejtuar me rreze të mesme (HIMARS) dhe sistemin e multi-raketahedhësve me udhëzues GMLRS, ndërsa Britania do të dërgojë në Ukrainë multi-raketahedhësin M270 MLRS.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
 

Kalendari

Ngjarjet e datës 5 tetor 2022

- Komisioni për Buxhet, Punë dhe Transfere shqyrton Projektligjin për ratifikimin e Marrëveshjes së Financimit në mes të Republikës së Kosovës përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim për “Projektin e Reformës së Sistemit të Ndihmës Sociale në Kosovë”. (Ndërtesa e Kuvendit, salla C203, ora 10:00)

- Shefi i futbollit në UEFA, Zvonimir Boban takohet me Ministrin e Kulturës, Rinisë dhe Sportit Hajrulla Çeku. (Ndërtesa e Ministrisë, ora 10:00)

- Avokati i Popullit organizon dëgjim publik përkitazi me hetimin e përgjithshëm për shëndetin riprodhues në Gjilan. (Salla e Kuvendit të Komunës së Gjilanit, ora 10:00)

- Shefi i futbollit në UEFA, Zvonimir Boban takohet me kryetarin e Komunës së Prishtinës Përparim Rama. (Ndërtesa e Komunës, ora 10:45)

- Aleanca Kosovare e Bizneseve pret sekretaren e ambasadës së Malit të Zi, Fedisa Dacić ku edhe do të mbahet konferenca për media lidhur me Forumin Ekonomik Ndërkombëtar Ulqini. (Objekti i AKB-së, ora 11:00)

- Shefi i futbollit në UEFA, Zvonimir Boban takohet me Komitetin Ekzekutiv të Federatës së Futbollit të Kosovës. (Selia e FFK-së, ora 11:30)

- Komisioni për Shëndetësi dhe Mirëqenie Sociale shqyrton në parim Projektligjin për faljen e masave ndëshkimore të vendosura gjatë periudhës së Pandemisë COVID-19. (Ndërtesa e Kuvendit, salla N10, ora 11:30)

- Agjencia Kosovare e Privatizimit organizon ceremoninë e hapjes së ofertave të shitjeve të aseteve përmes likuidimit nr. SHAL 59. (Hotel Grand, ora 12:30)

- Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton para Komisionit për Integrime Evropiane. (Ndërtesa e Kuvendit, salla N302, ora 13:00)

- Komuna e Gjilanit organizon mbledhje komemorative për të nderuar jetën dhe veprën e prof. dr. Shqiponja Isufit. (Salla e teatrit të qytetit të Gjilanit, ora 13:00)

-  Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike bën zgjedhjen e eksperteve. (Ndërtesa e Kuvendit, salla C203, ora 14:00)

- Shefi i futbollit në UEFA, Zvonimir Boban mban konferencë për media. (Stadiumi “Fadil Vokrri”, ora 15:00)

- Zhvillohet ndeshja Kosovë - Itali në kuadër të Kualifikimeve e Evropianit U17. (Stadiumi “Fadil Vokrri”, ora 16:00)