21 Nëntor 2018

Fushata “Ta Pastrojmë Kosovën” promovohet edhe në Parlamentin Evropian

Strasburg, 23 tetor - Let’s Do It Kosova ka marrë pjesë në organizimin e aksionit të pastrimit që u mbajt sot përreth hapësirave të ndërtesës së Parlamentit Evropian në Strasburg.

Aksionit të sotëm i janë bashkuar rreth 30 eurodeputetë, në mesin e të cilëve zëvendëspresidentja e Parlamentit Evropian, Heidi Hautala, si dhe raportuesi për Kosovën në PE, Igor Soltes. Pjesë e aksionit ishin edhe dhjetëra përfaqësues të Let’s Do It nga vende të ndryshme të botës.

Përfaqësues të Parlamentit Evropian janë zotuar se do të ndikojnë tek të gjitha shtetet që të rrisin aktivitetet për ruajtjen e mjedisit.

Drejtori ekzekutiv i Let’s Do It Kosova, Luan Hasanaj, ka ndihmuar në organizimin e këtij aksioni, si dhe është shprehur i lumtur që ka pasur mundësi të promovojë Fushatën “Ta Pastrojmë Kosovën” në mesin e eurodeputetëve dhe përfaqësuesve të Let’s Do It nga vende të ndryshme të botës.

Hasanaj, si përfaqësues i Kosovës po merr pjesë në Punëtorinë për zhvillimin e Planit Strategjik të Let’s Do It World për Evropën, që po mbahet në Strasburg.  

Aksioni u përcoll edhe nga media të shumta ndërkombëtare, në të cilët u promovua rëndësia e ruajtjes së mjedisit si dhe aktivitetet për largimin e mbeturinave që po organizohen në shumë vende të botës, në mesin e tyre edhe Kosova.

Fushata “Ta Pastrojmë Kosovën” ka filluar më 15 shtator në Ditën e Pastrimit të Botës, ndërsa do të vazhdojë deri më 15 dhjetor të këtij viti.

Efektet e kësaj fushate veçse po vërehen, ku deri më tani janë pastruar 273 deponi ilegale të mbeturinave në tërë Kosovën, dhe janë larguar afër 7 mijë ton me mbeturina.

Fushata “Ta Pastrojmë Kosovën” financohet nga Qeveria e Republikës së Kosovës, ndërsa implementohet nga Let’s Do It Kosova. 


 

Kalendari

Ngjarjet e datës 21 nëntor 2018 - Ministri i Financave Bedri Hamza dhe udhëheqësi i Delegacionit të Qeverisë Gjermane Dirk Schattschneider nënshkruajnë Protokollin ndërmjet Qeverisë së Kosovës dhe Qeverisë së Gjermanisë, ku me këtë rast konfirmohen zotimet e Qeverisë Gjermane për Bashkëpunim Teknik dhe Financiar për vitet 2018-2019, në vlerë prej 60.05 milionë euro. (Ndërtesa e  Qeverisë, salla P-32, ora 9:30)

-  Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Vitisë, Sokol Haliti. (Objekti i Komunës së Vitisë, ora 9:30) 

- Zyra Ligjore e Zyrës së Kryeministrit në bashkëpunim me International Finance Corporation lansojnë versionin e përditësuar të Regjistrit Qendror të Lejeve dhe Licencave. (Swiss Diamond Hotel, ora 9:45) 

- Ministri i Punës dhe Mirëqenies Sociale z. Skender Reçica raporton para Komisionit për Shëndetësi, Punë dhe Mirëqenie Sociale lidhur me vonesat në përmbushjen e agjendës legjislative, rojeksionet buxhetore të Ministrisë së Punës si dhe zatimi i Ligjit për personat e dhunuar gjatë luftës. (Ndërtesa e Kuvendit, salla 302, ora 10:00)

- Organizata ndërkombëtare e të drejtave të njeriut, Civil Rights Defenders organizon Samitin e Romëve të Ballkanit Perëndimor 2018. (Hotel Sirius, ora 10:00)

- Kryetari Shpend Ahmeti do ta vizitojë ndermarrjen "Horrikultura". (Objekti i Hortikulturës pranë brigades se zjarrfikësve në rrugën "Tahir Zajmi", ora 10:00)

- Komisioni për Buxhet dhe Financa shqyrton Projektligjin mbi Ndarjet Buxhetore për Buxhetin e RepublikÑ‘s së KosovÑ‘s për vitin 2019. (Ndërtesa e Kuvendit, salla C 203, ora 10:00)

- Në kuadër të Fushatës “Ta Pastrojmë Kosovën”,  Let’s Do It do të organizoj tryezë me qëllim të diskutimit të të arriturave të komunave të rajonit të Gjilanit në fushatën e pastrimit nga data 15 shtator e deri më tani. (Restorant “Vali Ranch” në Gjilan, ora 10:00)

- Komisioni Hetimor Parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018 interviston Ministrin e Infrastrukturës, Pal Lekaj, ish-UD Drejtorit të Departamentit të Aviacionit Civil, Ismail Berisha, Drejtorin e Agjencisë së Shërbimeve të Navigacionit Ajror Bahri Nuredini dhe Inspektorin e Përgjithshëm të Agjencisë së Kosovës për Inteligjencë, Shkelzen Sopjani. (Ndërtesa e Kuvendit, salla N 10, ora 11:00)

- Lëvizjes Vetëvendosje mban konferencë për media. (Zyret e Vetëvendosjes në lagjën Arbëria, ora 11:00)

- Kryesia e LDK-së bën homazhe te varri i Xhavit Ahmetit, në 22 vjetorin e vdekjes së tij. (Varrezat e Prishtinës, lagjja Arbëri, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Podujevës, Agim Veliu. (Objekti i Komunës së Podujevës, ora 11:30)

- Promovohet libri me titull "Roli i Drejtorisë së Arsimit në Reformimin e Shkollës dhe Arsimit në Klinë 1999-2017” i autores Suzan Gjergji. (Qendra e Kulturës” Jehona e Dukagjinit” në Klinë, ora 13:00)

- Mbahet ceremonia e përbashkët e përurimit të vënies në zbatim të Sistemit të Menaxhimit Informativ të Lëndëve në gjykatat dhe prokuroritë e Republikës së Kosovës. (Objekti i Gjykatës Themelore të Ferizajt, ora 13:00)

- Bëhet promovimi i librit të historianit,Valon Jashari “Kryengritja Çlirimtare në Kosovë Lindore gjatë viteve 1999-2001". (Biblioteka Kombëtare ‘Pjetër Bogdani”,  ora 15:00)

- Galeria Kombëtare e Kosovës organizon hapjen e ekspozitës "Nën Presion - Fakte nga arkitektura socialiste në Shqipëri" nga Gjergj Islami dhe Denada Veizaj. (Galeria Kombëtare e Kosovës, ora 20:00)

- Qendra e Lëvizjes Vetëvendosje! në Prishtinë, mbanë konferencë për media. (Objekti i çerdhës në Kodrën e Trimave, )