22 Nëntor 2019

Dialogu s’ka alternativë, të vazhdojë pa kushte

Bratisllavë, 7 qershor - Presidenti i Republikës së Kosovës, Hashim Thaçi, ka marrë pjesë sot në konferencën ndërkombëtare “GlobSec”, në Bratisllavë të Sllovakisë.

Presidenti Thaçi ka thënën se forumi “Globsec”, është një mundësi e jashtëzakonshme për shtetin e Kosovës që të afirmojë të arriturat e veta, të prezantojë suksesin e vendit tonë si vend i pavarur dhe sovran, në Bratisllavë, në shtetin ku ende nuk e ka njohur shtetin e Kosovës, pra Sllovakia me katër të tjera të Bashkimit Evropian.

“Kishim mundësi të mira që të takoheshim me personalitete të ndryshme dhe liderë të ndryshëm edhe të Bashkimit Evropian edhe të shteteve anëtare, por edhe me zyrtarë të Shteteve të Bashkuara të Amerikës’, ka thënë presidenti Thaçi.

Kreu i vendit ka thënë se ka pikëpamje të ndryshme për realitetin aktual, ka dallime thelbësore që janë krejt normale, edhe për të arriturat e procesit të dialogut në të kaluarën, por edhe për procesin e implementimit.

“E theksoj edhe njëherë Serbia duhet të implementojë marrëveshjet dhe obligimet që ka marrë qoftë për sektorin e energjisë, qoftë të IBM. Gjithashtu, të krijojë mundësi për të mos i penguar serbët në Veri për të funksionalizuar çështjen e urës që ndanë qytetin dhe njerëzit atje”, ka thënë ai.

I pari i vendit, ka  shtuar se, gjithashtu Kosova t’i kryejë të gjitha obligimet që ka nënshkruar në vitin 2013.

“Në të njëjtën kohë Serbia të mos i pengojë qytetarët serbë të Kosovës për të participuar në ekipën për shkruarjen e statutit të përgjegjësive që i kemi marrë ne në Brukel”, është shprehu presidenti.

Kreu i vendit ka thënë se debati ishte një mundësi e kërkimit të mundësive për vazhdimin e dialogut.

“Debati me presidentët Gjukanoviq dhe Vuciq, mendoj se ishte në frymën e një diskutimi, mundësi të kërkimit të mundësive për vazhdimin e dialogut, tejkalimin e pengesave dhe vështirësive që kemi aktualisht që dialogu të mos kushtëzohet dhe që të mund të arrihet një marrëveshje përfundimtare, historike gjithëpërfshirëse që do të përmbyllet me njohjen reciproke në mes shtetit të Kosovës dhe Serbisë. Pavarësisht nga kritikët dhe skeptikët, dialogu nuk ka alternativë”, ka thënë presidenti Thaçi.

Në këtë forum panelistë ishin Presidenti i Republikës së Kosovës, Hashim Thaçi, Presidenti i Malit të Zi, Milo Gjukanoviq, dhe presidenti i Serbisë Aleksandër Vuciq.

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)