16 Korrik 2018

Dialogu Kosovë-Serbi në interes të gjithë rajonit

Prishtinë, 11 korrik - Kancelari austriak Sebastian Kurz tha se gjatë udhëheqjes me Presidencën e BE-së, Austria dëshiron të japë kontributin në zgjidhjen e kontesteve në Ballkanin Perëndimor.

“Në këtë rajon ende ekzistojnë disa tema të konflikteve ndërmjet vendeve të ndryshme, gjë e cila është e kuptueshme, pasi që para disa dekadave athje kishte luftë”, tha ai për agjencinë e lajmeve austriake APA me rastin e pjesëmarrjes në Samitin për Ballkanin Perëndimor në kuadër të Procesit të Berlinit në Londër.

Kurz theksoi se është me rëndësi që këto tema të hapura të zgjidhen përfundimisht dhe se Austria do të përpiqet të japë kontributin e saj. 

Në bisedat e tij, ai tha se angazhohet që dialogu ndërmjet Kosovës dhe Serbisë të vazhdojë. 

“Këtu është e domosdoshme që të kemi përfundimisht zgjidhje pozitive të kësaj çështjeje. Kjo nuk është vetëm në interesin e të dyja shteteve, por edhe për të gjitha ata në interesin e të cilëve është i gjithë rajoni”, porosit Kurz.

Kalendari

Ngjarjet e datës 17 Korrik 2018 - Përkujtohet 20 vjetori i rëniës se dëshmorëve të Ushtrisë Çlirimtare të Kosovës, Bashkim Kerolli dhe Adem Ademi. Te vendi i quajtur Rrasa e Zogut të kufiri Shqipëri - Kosovë, ora 10:00 - nisja behet nga fshati Polac, ora 8:00)  

- Mbahet mbledhja e Komisionit për Administratë Publike, Qeverisje Lokale dhe Media në të cilën do të shqyrtohet projektligji për lirinë e asociimit në Organizata Joqeveritare. (Ndërtesa e Kuvendit, salla N 225, ora 10:00)

- Mbahet ceremonia e inaugurimit te impiantit të trajtimit të ujërave të zeza në fshatin Mramor. (Bregu lindor të Liqenit të Badocit pranë fshatit Mramor, ora 10:00)

- Kryeministri Ramush Haradinaj pret në takim përfaqësues të projektit të GIZ-it gjerman dhe nxënës nënshkrues të peticionit për ngritjen e kapaciteteve në arsim. (Ndërtesa e Qeverisë, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të shqyrtohet projektligji për Produkte të Ndërtimi. (Ndërtesa e Kuvendit, salla N 10, ora 11:00)

- Oda Ekonomike e Kosvës organizon takim me delegacionin e organizatës prestigjioze “The Heritage Foundation”. (Objekti i Odës Ekonomike të Kosovës, ora 14:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 14:00)

- Kryeministri Ramush Haradinaj merr pjesë në ceremoninë e nënshkrimit, me rastin e blerjes së automjeteve multi funksionale ushtarake të lëvizshmërisë së lartë nga Qeveria e Kosovës për Forcën e Sigurisë së Kosovës. (Kazerma Adem Jashari në Prishtinë, ora 16:00)