Londër, 14 prill - Korrespodent i "The Economist" për Ballkanin, analisti britanik  Tim Judah ka thënë se deklaratat që vijnë nga Washingtoni rreth Kosovës, “kanë nisur t’i përngjajnë atyre nga Moska”.

Judah është shprehur i habitur me atë që e konsideron kthesë e Amerikës në çështjet Kosovë-Serbi.

"E çuditshme sepse deklaratat që vijnë tani nga Washingtoni duket sikur të vijnë nga agjencia TASS, apo Moska. Është hutuese për shumë njerëz, pasi që duket se amerikanët tani po favorizojnë Serbinë”, ka thënë Judah.