18 Nëntor 2019

Britania do të largohet nga BE-ja më 31 tetor

Londër, 21 tetor - Kryeministri britanik Boris Johnson i ka dërguar një letër të pafirmosur Bashkimit Europian, ku kërkon shtyrjen e daljes së Britanisë nga BE-ja. Por ai ka shtuar një shënim ku shpjegon se nuk e dëshiron këtë shtyrje.

Më parë Johnson-i ishte shprehur se do të zgjidhte "më mirë vdekjen" sesa të kërkonte një zgjatje të afatit të 31 tetorit.

Deputeti i Parlamentit Britanik Michael Gove tha se e përkrahte kryeministrin:

"Ne do të largohemi më 31 tetor dhe kemi mjetet e aftësinë për ta bërë këtë. Unë mendoj se gjendja shpirtërore e vendit është e qartë dhe vendosmëria e kryeministrit është absolute, dhe unë e mbështes për këtë. Duhet të largohemi nga BE-ja më 31 tetor. Parlamenti mund të këmbëngulë për dërgimin e një letre, por nuk mund të ndryshojë mendjen e kryeministrit, nuk mund të ndryshojë politikën ose vendosmërinë e qeverisë. Kryeministri është shumë i qartë, e po ashtu janë edhe udhëheqësit e BE-së."

Zyrtarët e BE-së nuk kanë reaguar ndaj kësaj kërkese, duke u shprehur se po zhvillohen konsultime.

Kryeministri ka qenë i vendosur që Britania të largohet nga BE-ja më 31 tetor, por ligjvënësit po bëjnë përpjekje për të shmaguar një "Brexit" pa marrëveshje.

Johnson-i u shpreh i sigurt se procesi i miratimit të legjislacionit për "Brexit"-in në parlament do të përfundojë para 31 tetorit. 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)