28 Janar 2021

Biden paralajmëron se njerëzit mund të vdesin pasi administrata e tij po pengohet nga Trump

Washington, 17 nëntor - Presidenti i zgjedhur amerikan Joe Biden ka paralajmëruar se "njerëzit mund të vdesin" nëse administrata e tij e ardhshme vazhdon të pengohet nga Donald Trump.

Biden tha se ishte i nevojshëm bashkërendimi për të përballuar shpërthimin e koronavirusit. Ai e quajti refuzimin e Presidentit Trump për të pranuar se ai humbi zgjedhjet, pavarësisht thirrjeve për ta bërë këtë nga të dy palët, "krejtësisht të papërgjegjshëm".

Ekipi i Trump nisi një sërë sfidash dhe kontestimesh ligjore pas votimit të 3 nëntorit për numërimin e votave.

Ekipi i presidentit po përpiqet që gjykatat të përmbysin votat në shtetet kryesore me arsyetimin se shumë fletëvotime ishin të pavlefshme ose të numëruara në mënyrë jo të duhur. Deri më tani këto përpjekje kanë dështuar dhe nuk ka prova të mashtrimit të konsiderueshëm.

Presidenti i zgjedhur Biden, një Demokrat, ka 306 vota në kolegjin zgjedhor, duke kapërcyer pragun prej 270 të nevojshëm për të fituar. Megjithatë, Trump, një Republikan, shkroi në Tëitter të hënën: "Unë fitova Zgjedhjet!".

Kalendari

Ngjarjet e datës 28 Dhjetor 2020

- Drejtori i Përgjithshëm i ATK-së Ekrem Hysenaj do të mbaj konferencë për media, në të cilën do të prezantoj aktivitetet e zhvilluara, si dhe rezultatet e arritura të ATK-së gjatë vitit 2020. (Zyra qendrore e ATK-së, ora 10:00)

- KDI organizon konferencën për media ku do të shpaloset “Indeksi për Perceptimin e Korrupsionit” për vitin 2020 përgatitur nga Transparency International. (Zyret e KDI-së, ora 10:00)  

- Mbahet mbledhja e parë e rregullt për vitin 2021 të Kuvendit Komunal të Prizrenit. (Shtëpia e Bardhë, ora 10:00)

- Promovohet libri “Krime serbe në Kosovë”, i autorit Çerçiz Loloçi. (Qendra Mediale të Kolegjit AAB, ora 11:00)

- Ministri në detyrë i Shëndetësisë, Armend Zemaj, merr pjesë në prezantimin e pullës postare, dedikuar personelit shëndetësor që kanë humbur jetën gjatë ballafaqimit me COVID-19. (Ministria e Shëndetësisë, ora 11:00)

- Universiteti "Fehmi Agani" në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i është kushtuar albanologut austriak - hebre Norbert Jokl. (Ambientet e Fakultetit të Edukimit-Filologjisë në Gjakovë, ora 12:00)

- Ministri në detyrë i Shëndetësisë, Armend Zemaj, merr pjesë në përurimi i fillimit të punimeve për ndërtimin e Qendrës së Mjekësisë familjare në Strellc të Deçanit. (Strellc – Deçan, ora 12:30)

- Partia Socialdemokrate do të mbaj aktivitet afër Ministrisë së Shëndetësisë. (Afër Ministrisë së Shëndetësisë, ora 13:00)

- Kandidati për deputet i AAK-së, Shemsedin Dreshaj, mban konferencën për medie. (Zyra e AAK-së, ora 13:00)

- Kryetari i Nismës Socialdemokrate Fatmir Limaj merrë pjesë në takimin në mbështetje të nominuarëve për deputet në Skenderaj. (Lokali 'Te Mixha' në fshatin - Polac, Skënderaj, ora 16:30)