06 Dhjetor 2022

BE vendos sanksione ndaj Putinit dhe Lavrovit

Bruksel, 25 shkurt - Shefi i Politikës së Jashtme të Bashkimit Evropian (BE), Josep Borrell, tha se blloku vendosi sanksione ndaj presidentit rus Vladimir Putin dhe ministrit të Jashtëm Sergej Lavrov.

"Ne kemi listuar sot presidentin Putin dhe ministrin e Jashtëm Lavrov", tha Borrell në një konferencë për media pas takimit të diplomatëve të lartë të BE-së.

Ai shpjegoi se liderët e BE-së nuk arritën marrëveshje për këtë pikë të enjten gjatë samitit të tyre të jashtëzakonshëm, por negociatat vazhduan dhe ministrat e Jashtëm më në fund arritën marrëveshje për të vendosur sanksione të ndalimit të udhëtimit dhe ngrirjes së aseteve ndaj Putinit dhe Lavrovit.

Pakoja e re shënjestron edhe Bjellorusinë për përfshirjen e saj në ndërhyrjen ushtarake në Ukrainë dhe vendos kufizime serioze në financat dhe politikën e vizave.

“Ne po shkurtojmë qasjen e Rusisë në tregjet më të rëndësishme të kapitalit”, tha Borrell, duke shtuar se masat e reja do të kufizojnë ndjeshëm flukset e kapitalit në Rusi.

Sanksionet synojnë 70 për qind të sektorit bankar rus, kompanitë kryesore shtetërore, ndërsa blloku vendos gjithashtu kufizime në tregtinë në lidhje me sektorin e energjisë, aviacionin dhe teknologjinë më të avancuar.

BE-ja miratoi të mërkurën pakon e parë të sanksioneve kundër Rusisë për shkeljen e integritetit territorial të Ukrainës.

Masat synojnë ndër të tjera Ministrin e Mbrojtjes Sergei Shoigu, dy zv/kryeministra, zyrtarë të lartë ushtarakë dhe 351 anëtarë të Dumës së Shtetit, dhoma e ulët e parlamentit rus.

Ndërhyrja ushtarake e Rusisë në Ukrainë hyri në ditën e dytë, me raportet e fundit që tregojnë se trupat ruse po shkonin drejt kryeqytetit Kiev nga disa drejtime.

Putin kishte urdhëruar ndërhyrjen ushtarake të enjten, vetëm disa ditë pasi njohu dy enklavat e kontrolluara nga separatistët në Ukrainën lindore.

Ai pretendoi se Moska nuk kishte plan për të pushtuar vendin fqinj, por donte të "çmilitarizonte" dhe "denazifikonte" Ukrainën.

Presidenti ukrainas Volodymyr Zelenskyy akuzoi Rusinë se po përpiqet të instalojë një qeveri-kukull dhe tha se ukrainasit do të mbrojnë vendin e tyre kundër agresionit rus.

Tensionet filluan të përshkallëzohen në fund të vitit të kaluar kur Ukraina, SHBA dhe aleatët e saj akuzuan Rusinë për grumbullimin e rreth 150.000 trupave në kufirin me Ukrainën.

Ata pretenduan se Rusia po përgatitej të pushtonte fqinjin e saj perëndimor, akuza të kundërshtuara vazhdimisht nga Moska.

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)