20 Prill 2019

BE miraton ligj të ri për të drejtën e autorit

Bruksel, 16 prill - Bashkimi Europian ka miratuar një ligj të ri për të drejtën e autorit, duke përfunduar një proces ligjor të gjatë dhe të diskutueshëm prej më shumë se 30 muajsh.

Direktiva për të Drejtat e Autorit do të publikohet më vonë në "Gazetën Zyrtare" të BE-së.

Pas kësaj, anëtarët do të kenë 24 muaj për të zhvendosur direktivën në legjislacionin e tyre kombëtar.

Ligji u jep më shumë të drejta krijuesve të përmbajtjeve për platformat në internet, pas lobimit të madh nga të dyja palët.

Ligji i ri e detyron kompaninë "Google" të paguajë botuesit për lajmet si dhe "Facebook"-un të filtrojë përmbajtjen e mbrojtur. 

Kalendari

Ngjarjet e datës 20 prill 2019

- Lëvizja Vetëvendosje mban konferencë për media! (Selia e Vetëndosje, ora 10:00)

- Ministri i Drejtësisë, Abelard Tahiri mban konferencë për media. (Press Qendra në Ndërtesën e Zyrës së Kryeministrit, ora 10:00)

- Alternativa mban konferencën e radhës të partisë në të cilën prezanton të gjetura dhe rekomandime për gjendjen mjedisore në Kosovë. (Zyret e partisë Alternativa. ora 10:00) 

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Dëshmorëve të Brigadës 136 Rugova, që organizohet nën patronatin e kryeministrit. (Teatri “Istref Begolli” në Pejë, ora 11:00)

- Biznesi anëtarë në Odën e Afarizmit të Kosovës “Altera”, bën promovimin e librit të autorit Bashmir Xhemaj, “Një shqiptar në CIA - dy jetët e Destan Berishës”. (Libraria Altera në Prizren, ora 13:00)

- Shoqata Atlantiku mbanë konferencë përmbyllëse për media në të cilën përfaqësuesi i shoqatës Gani Shehu, do të pasqyrojë ngjarjet që kanë shënuar 20-vjetorin e ‘Batalionit Atlantiku’, mesazhin kyç dhe vizionin për angazhimet në të ardhmen. (Hotel Grand, ora 14:00)