09 Korrik 2020

BE kundër kthimit të Rusisë në G7

Bruksel, 3 qershor - Bashkimi Evropian të martën hodhi poshtë mundësinë e zgjerimit të G7 dhe kthimin e Rusisë në grup, dhe paralajmëroi Uashingtonin se nuk mund të ndryshojë rregullat e grupit të vendeve më të industrializuara më vete.

Presidenti i SHBA-së Donald Trump e përshkroi G7 të shtunën në formatin e saj të tanishëm si një “grup shumë i vjetruar i vendeve” dhe tha se ai do të ftojë udhëheqësit e Rusisë, Indisë, Australisë dhe Korenë e Jugut në një takim të shtyrë për në shtator, për shkak të pandemisë koronavirus.

BE e sheh G7 si një kornizë jetësore shumëpalëshe, rregullat e së cilës SHBA, e cila aktualisht kryeson një grup të vendeve më të industrializuara, nuk mund të ndryshojë përgjithmonë, tha një zëdhënës i BE-së.

“Pjesëmarrja e Rusisë në G7 është pezulluar derisa Rusia të ndryshojë drejtim dhe të krijohet një mjedis për një debat të rëndësishëm të G8. Ky nuk është rasti për momentin,” tha ai.

Rusia u përjashtua nga G7 pas aneksimit të Krimesë në vitin 2014, transmeton KosovaPress.

G7 përbëhet nga Britania e Madhe, Kanada, Franca, Gjermania, Italia, Japonia dhe Shtetet e Bashkuara.

Britania dhe Kanada janë shprehur kundër idesë së kthimit të Rusisë në G7.

Moska ka thënë se propozimi i Trumpit për një samit të zgjeruar të G7 këtë vit, ka hapur një numër pyetjesh dhe se diplomatët do të kërkojnë sqarime nga Uashingtoni.

India, Australia dhe Koreja e Jugut kanë njoftuar se kanë marrë ftesa për të marrë pjesë në samitin e zgjeruar të G7.

Kryeministri i Indisë Narendra Modi i tha Trumpit në një bisedë telefonike, se Nju Delhi do të ishte i lumtur të punonte me SHBA dhe vendet e tjera për të siguruar një samit të suksesshëm të G7, njoftoi Ministria e Jashtme indiane.

Kryeministri i Australisë Scott Morrison pranoi gjithashtu të martën ftesën e Trump.

“Kryeministri konfirmoi se ai e pranoi me kënaqësi ftesën për të marrë pjesë në mbledhjen e G7, siç bëri vitin e kaluar, kur u ftua të marrë pjesë nga presidenti francez Emmanuel Macron”, tha zëdhënësi i kryeministrit Morrison.
 

Kalendari

Ngjarjet e datës 9 Korrik 2020 - Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- OVL e UÇK-së mban protestë gjithëpopullore me moton “Në mbrojtje të Luftës Çlirimtare”. (Prishtinë dhe qytetet e tjera të Kosovës, ora 12:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)