24 Prill 2019

Australia veriore para goditjes nga cikloni

Melburm, 23 mars - Australia e Veriut po përgatitet për një ciklon të fuqishëm që pritet të godasë atë vend sot.

Autoritetet po bëjnë evakuimin e rreth dy mijë njerëzve nga zonat që pritet të goditen nga Cikloni Trevor.

Ndërsa vazhdojnë përgatitjet në Australi, tre shtete të Afrikës së Jugut po luftojnë me vdekjen dhe shkatërrimin që la Cikloni Idai. Zlatica Hoke e Zërit të Amerikës sjell më shumë detaje.

Zyra e meteorologjisë në Australi tha të enjten se Cikloni Trevor me erëra deri 260 kilometra në orë, pritet të sjellë shira dhe stuhi të fuqishme. Zyrtarët kanë deklaruar gjendjen e emergjencës në disa

pjesë të vendit që pritet të goditen dhe ku edhe cikloni do të bëjë takimin me tokën. Michael Gunner drejton qeverinë në Territorin Verior.

“Sinoptika po parashikon se cikloni do të bëjë zbarkimin në tokë të shtunën si një stuhi tropikale e kategorisë 4 ndërsa kushtet përkeqësohen.”

Ndërkohë Zimbabveja, Mozambiku dhe Malaui vazhdojnë të luftojnë me përmbytjet dhe numrin në rritje të vdekjeve një javë pasi Cikloni Idai goditi Afrikën. Numri zyrtar i vdekjeve në tre shtetet ka kaluar mbi 500 ndërsa mendohet për qindra të tjerë të vdekur në zonat tërësisht të përmbytura. Nickson Nyakapeni, vullnetar në Chimanimani thotë se banorët nuk janë në gjendje të varrosin të gjithë të vdekurit.

“Jemi lodhur aq shumë saqë po fusim dy trupa në një varr. Po mundohemi të bëjmë me të lehtë groposjen dhe gjetjen e trupave poshtë rrënojave.”

Cikloni Idai bëri zbarkim në tokë në brigjet qendrore të Mozambikut më 14 mars me erëra deri në 117 kilometra në orë dhe reshje të rrëmbyera që shkaktuan përmbytje të mëdha në tre vendet.

Përpjekjet për të shpëtuar njerëzit ende të bllokuar nga uji po vazhdojnë ndërsa ka mungesa të theksura për të strehuar të mbijetuarit. Kombet e Bashkuara kanë dërguar ushqime dhe furnizime nga ajri për njerëzit e bllokuar në zona të izoluara. Herve Verhoosel është zëdhënës i Programit të Ushqimit të Kombeve të Bashkuara.

“Vetëm në Mozambik kanë nevojë për ndihma ushqimore për tre muaj 600 mijë deri 1,7 milion njerëz. Po u kërkojmë ndihmë qeverive dhe donatorëve për mbështejte financiare të nevojshme për të ndihmuar njerëzit në situatën katastrofale.”

Agjencia e Shteteve të Bashkuara për Zhvillim Ndërkombëtar ka mobilizuar 700 mijë dollarë në asistencë të përgjithshme për të ndihmuar tre vendet e prekura.

Kalendari

Ngjarjet e datës 24 prill 2019 - Universiteti i Prishtinës “Hasan Prishtina” organizon takim mikpritës për drejtorët e Drejtorive Komunale për Arsim. (Rektorati i UP-së, ora 9:00)

- Mbahet mbledhja e Komisionit Qendror te Zgjedhjeve. (Selia e KQZ-së, ora 9:00)

- Komisioni i Pavarur për Miniera dhe Minerale organizon debat për projektligjin për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Hotel AFA, ora 10:00)

- Nënshkruhet Memorandumi i Mirëkuptimit ndërmjet Komisionit Kombëtarë Zviceran për Parandalim të Torturës dhe Institucionit të Avokatit të Popullit, i cili vepron si Mekanizëm Kombëtar për Parandalim të tortures, për monitorim të përbashkët të operacioneve të kthimit me forcë ndërmjet Zvicrës dhe Kosovës.​ (Salla për konferenca e Avokatit të Popullit, ora 10:00)

- Qendra e Karrieres në kuadër te Drejtorise se Planifikimit dhe Zhvillimit të Qendrueshem organizon hapjen e “Panairit te Karrieres” 3 ditor. (Hapsirat e Qendres se Karrieres, në lagjen Taslixhe, ora 10:00)

- Universiteti i Prishtinës “Hasan Prishtina” organizon ceremoninë zyrtare të hapjes së aktivitetit “Ditët e Orientimit për Maturantë”. (Biblioteka Kombëtare e Kosovës “Pjetër Bogdani”, ora 10:00)

- Hapet Panairi i Studimeve, ku universitete të ndryshme të Kosovës dhe regjionit, do të prezantojnë profilet akademike. (Kampusi i shkollave të mesme në Gjilan, ora 10:30)

- Oda Ekonomike e Kosovës në bashkëpunim me Qeverinë e Kosovës do të organizojë Panairin e Përgjithshëm Ndërkombëtar “Prishtina 2019”, me qëllim të promovimit të kompanive Kosovare dhe produkteve të tyre brenda Kosovës, rajonit dhe më gjerë. (Qendra e Panaireve, fshati Shkabaj, Magjistralja Prishtinë – Mitrovicë, ora 10:30)

- Kryeministri Ramush Haradinaj merr pjesë në Hapjen e Panairit të Përgjithshëm Ndërkombëtar “Prishtina 2019”. (Fshati Shkabaj, Qendra e Panaireve, ora 10:30)

- Ministri i Ministrisë së Punëve të Brendshme, Ekrem Mustafa raporton para Komisionit për të Drejtat, Interesat e Komuniteteve dhe për Kthim lidhur me gjendjen e sigurisë në Kosovë dhe incidentet që kanë motive ndëretnike. (Ndërtesa e Kuvendit, salla N204, ora 11:00)

- Programi i Kombeve të Bashkuara për Zhvillim do të nënshkruajë një marrëveshje për të mbështetur Gjykatën Themelore të Mitrovicës. (Ambientet e UNDP-së, ora 11:00)

- Mbahet mbledhja e komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i raportit vjetor i Agjencisë për Ndihmë Juridike Falas për vitin 2018, shqyrtimi i Raportit vjetor i Akademisë së Drejtësisë për vitin 2018, etj. (Ndërtesa e Kuvendit, salla N 302, ora 11:00)

- Qendra Mediale në Çagllavicë mban debat publik me temën 'Uzurpimi i pronës në Kosovë - problem edhe pas 20 viteve'. (Qendra Mediale në Çagllavicë, ora 11:00)

- Mbahet mbledhja e komisionit për Buxhet dhe Financa në të cilën do të behët shqyrtimi i Raportit me amendamente të Grupit Punues të Komisionit për Projektligjin për ndryshimin dhe plotësimin e Ligjit për financimin e subjekteve politike, etj. (Ndërtesa e Kuvendit, salla C 203, ora 11:00)

- Lëvizja Vetëvendosje! mban konferencë për media. (Zyrët qendrore të Vetëvendosjes, ora 12:00)

- Zyra e UNICEF-it në Kosovë organizon aktivitetin kryesor të shënimit të javës së imunizimit për këtë vit. (Fshati Magure i Komunës së Lipjanit, ora 12:00)

- Lëvizja Vetëvendosje Qendra në Mitrovicë organizon aksion simbolik lidhur me zhagitjen e punimeve në tunel, i cili vazhdon ende të jetë i bllokuar duke shkaktuar kështu kaos total të trafikut në qytetin e Mitrovicës. (Tek tuneli i bllokuar në Mitrovicë nga ana e Zhabarit, ora 12:00)

- Mbahet seanca përfundimtare për rivendosje në lidhje me kërkesën e profesorit te Fakultetit Juridik, Mejdi Bektashi i cili e ka paditur organizatën joqeveritare Admovere për shpifje, pas publikimit të raportit 'Stafi Akademik i UP-së'  në të cilin Bektashi ishte radhitur si njëri nga profesorët plagjiatorë. (Gjykata Themelore në Pallatin e Drejtësisë, objekti A, numër 204, ora 13:30)