21 Shkurt 2020

Ambasadorja Shala marrë pjesë në Samitin Afrikan për Lidershipin e Ri

Marrakech, 20 shtator - Ambasadorja e Vullnetit të Mirë për Kosovën në IHRC Elvana Shala është nisur sot për në Marok ku do të marrë pjesë në  Samitin Afrikan për Lidershipin e Ri, që nisë punimet zyrtarisht nesër në qytetin Marrakech.

Me ftesë të drejtorit organizativ të samitit dhe themeluesit të organizatës MasterPeace Morocco, z. ElMehdi  ElBadaoui, Ambasadorja Shala në mesin e 150 liderëve të rinjë  nga mbarë bota, është ftuar të jetë një nga folëset kryesore në panelin “ Paqja dhe Siguria në kontinentin Afrikan” ku do të flas mbi rëndësinë e paqes me theks të vecantë sigurisë në vendet afrikane.

Përvec  temave kryesore, ku do të flitet mbi zhvillimet e qëndrueshme të lidershipit, ndërmarrësisë, paqes  dhe qytetarisë globale” është organizuar edhe një session special  mbi prezantimet e shteteve pjesëmarrëse. 

Ambasadorja Shala, në cilësinë e përfaqësueses së Kosovës, në këtë session do të flas mbi historikun e shtet-ndërtimit të Kosovës, që nga koha kur Kosova ishte nën regjimin serb e deri në ditën e pavarësimit të saj, njohjet ndërkombëtare të arritura, sukseset në kulturë e sport etj.

Theks të vecantë në fjalimin e saj Shala do ti vë kërkesës për njohje të pavarësisë së Kosovës nga ana e Marokut dhe vendeve të tjera afrikane, përmes diplomacisë publike., duke e ditur tashmë që Maroku mbetet një nga vendet e shumta afrikane që ende nuk e ka njohur pavarësinë e Kosovës.

Ndërsa përvec  fjalimit të saj për Kosovën, Ambasadores Shala I është besuar edhe udhëheqja e këtij sesioni special nga ana e organizatorëve.

Pjesëmarrja e Ambasadores Shala në këtë samit është mbështetur nga Ministria e Punëve të Jashtme e Kosovës.

Kalendari

Ngjarjet e datës 21 shkurt 2020  - Mbahet takimi i 178-të i Këshillit Prokurorial të Kosovës. (Objekti i Prokurorisë së Shtetit, ora 10:00)

- Grupi për Ballkan dhe anëtarët e tjerë të Grupit për Politika dhe Avokim Kosovë – Serbi mbajnë tryezën e diskutimit për të arriturat e dialogut teknik Kosovë – Serbi. (Hotel Swiss Diamond, ora 10:00)

- Kryetari i Komunës së Gjilanit, Lutfi Haziri pret në takim ministren e Kulturës, Rinisë dhe Sportit, Vlora Dumoshi (zyra e kryetarit, ora 10:30)

- Presidenti i Republikës së Kosovës, Hashim Thaçi, merr pjesë në akademinë përkujtimore për heroin Shaban Polluzha, me rastin e 75 vjetorit të rënies së tij. (Biblioteka Kombëtare, ora 12:00)

- Kryetari i Komunës së Gjilanit, Lutfi Haziri pret në takim kryetaren e Kuvendit të Republikës, Vjosa Osmani (zyra e kryetarit, ora 15:00)

- Kryeparlamentarja Osmani mban fjalim para kuvendarëve të Gjilanit e më pas viziton shkollën fillore “Thimi Mitko”. (Salla e Kuvendit te Komunës së Gjilanit, ora 15:30)

- Kryeparlamentarja, Vjosa Osmani dhe Kryetari i Komunës së Gjilanit, Lutfi Haziri do të shkojnë për vizitë ngushëlluese në familjen Bllaca. (Gjilan, ora 17:00)

Festivali Nderkombetar i Animacionit Anibar organizon natën e shfaqjes së filmit Please Vote for Me" dhe dhurimit të librit nga truAktiv. (Kinema "Jusuf Gërvalla" në Pejë, ora 19:00)