17 Tetor 2019

32 mijë imigrantë kanë humbur jetën mes 2014-2018

Gjenevë, 1 korrik - Organizata Ndërkombëtare e Imigracionit thotë se më shumë se 32 mijë imigrantë në mbarë botën kanë humbur jetën, ose janë zhdukur gjatë viteve 2014 dhe 2018 dhe se shumica e viktimave janë nga Afrika e Veriut, të cilët kalojnë Detin Mesdhe për të hyrë në Europë.

Agjencia e OKB-së thotë se shifrat e saj janë më të ulëta se realisht, ngaqë shumë imigrantë që kanë humbur jetën nuk janë raportuar kurrë dhe se shumë nga trupat e tyre nuk janë gjetur.

Megjithatë, studiuesit thonë se statistikat paraqesin një pamje të zymtë të rrezikut me të cilin përballen qindra mijëra refugjatë dhe emigrantë që rrezikojnë jetën, në kërkim të një jete më të mirë.

Në raportin e Agjencisë të Imigracionit thuhet se në vitet 2014 deti 2018, rreth 18,000 njerëz kanë humbur jetën ose janë zhdukur në Detin Mesdhe dhe se trupat e thuajse dy të tretave të këtyre viktimave nuk janë gjetur.

Zëdhënësi i Agjencisë thotë se refugjatët Rohingya përbëjnë shumicën dërrmuese të 2,200 personave që figurojnë të humbur në Azinë Juglindore dhe se shumica e 288 vdekjeve të regjistruara në Azinë Jugore që nga viti 2014 ishin të emigrantëve afganë.

Një raport i kohëve të fundit i Agjencisë së Imigracionit dhe Fondit të OKB-së për fëmijët përqëndrohet tek rritja e numrit të fëmijëve në udhëtimet e rrezikshme emigrante.

Sipas të dhënave, rreth 1600 fëmijë, rreth një çdo ditë, janë raportuar të vdekur ose të humbur midis viteve 2014 dhe 2018.

Studjuesit shtojnë se shkalla e plotë e kësaj tragjedije mbetet e panjohur, pasi shumë prej vdekjeve të fëmijëve emigrantë vazhdojnë të mos regjistrohen.

Kalendari

Ngjarjet e datës 17 tetor 2019 - Presidenti i Republikës së Kosovës, Hashim Thaçi, pret në takim Lartmadhërinë e saj, Sophie, Konteshën e Wessexit. (Kabineti i Presidentit, ora 9:00 - vetëm pamje)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

- Prokurori i Shtetit do të mbajë konferencë për media. (Objekti i Prokurorit të Shtetit, kati III, salla e takimeve të Këshillit Prokurorial, ora 11:30)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)