14 Nëntor 2019

Yildirim, Morina dhe Kortoci po qëndrojnë në vizitë zyrtare në Turqi

Prizren, 5 nëntor - Prorektori për Marrëdhënie me Jashtë dhe Ngritje të Cilësisë, Prof. Ass. Dr. Soner Yildirim, i shoqëruar nga anëtarët e Këshillit Drejtues të UPZ dhe profesorët, Prof. Asoc. Dr. Rifat Morina dhe Prof. Ass. Dr. Ylli Kortoci, po qëndrojnë në një vizitë zyrtare në Turqi.

Në kuadër të vizitës ata kanë marr pjesë në seminarin me temë: Arsimi ndërkombëtarë në lëmin e bujqësisë dhe puna, ku po trajnohen dhe fermerët e komunës së Mamushës, në kuadër të protokollit të nënshkruar midis Universitetit të Shkencave të Aplikuara Isparta (ISUBÜ) dhe  Universitetit “Ukshin Hoti” të Prizrenit.

Punëtoria zhvillon punimet prej 3 deri më 9 nëntor 2019 në ndërtesën e Rektoratit në Isparta, Turqi.  Objektivat e punëtorisë janë: Kosova dhe Turqia Krahasimi në prodhimin e të korrave; Bujqësia organike, Strategjitë e marketingut, Ushqimi i bimëve dhe fekondimi, Mbrojtja e bimëve, Identifikimi i problemeve të prodhimit të korrjeve dhe zgjidhjeve të tij.

Po ashtu delegacioni nga UPZ është takuar me prorektorin e  universitetit Prof. Suleyman Demirel ku u diskutua për arritjen marrëveshjes për diploma të dyfishta, Erasmus + edhe të tjera.

Po ashtu është diskutuar për sistemin e sigurimit të cilësisë në dy universitetit dhe mundësitë e marrjes së përvojave më të mira.

Ky është bashkëpunimi i dytë konkret që realizohet mes dy universiteteve, pas Konferencës Shkencore ndërkombëtare që u mbajt në UPZ në muajin gusht. 

Kalendari

Ngjarjet e datës 14 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë diten e dytë të konferencës ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’. (Hotel Sirius, ora 9:30) 

- Deutsche Gesellschaft für Internationale Zusammenarbeit organizon ceremoninë e certifikimit të pjesëmarrësve nga aktivitetet “Opportunity Scouting” dhe “Skema e Praktikës në Punë në Sektorin e Shitjes me Pakicë”. (Menza Ramiz Sadiku, ora 10:00)

- Organizata për Siguri dhe Bashkëpunim në Evropë, Misioni në Kosovë në bashkëpunim me Zyren e Komisionerit për gjuhët organizon ngjarjen e ndarjes  së çmimit “Praktika më e mirë në zbatimin e Ligjit për përdorimin e gjuhëve”. (Biblioteka Kombëtare e Kosovës “Pjetër Bogdani”, ora 11:00)

- Ndërmarrja “Dekoriti” organizon shënimin e përvjetorit të 30-të, me ç’rast do të lansojë linjën e re të prodhimit me dru masiv për interier. (Dekoriti ne fshatin Konjuh të komunës së Lipjanit, ora 13:45)

- Udhëheqja e Sindikatës së Pavarur e Sektorit Privat të Kosovës mban takim me kryetarë të disa shoqatave ku do mirët vendim për fillimin e protestave dhe grevave për punëtorët e sektorit privat lidhru me rritjen e pagave dhe zbatimi i ligjit të punës, marrëveshjes kolektive etj. (Zyret e BSPK–së, ora 14:00)

- Medica Gjakova, me mbështetjen e Bashkëpunimit Gjerman për Zhvillim organizon promovimin e librit “Unë jam Anemone”, i pari i këtij lloji i shkruar në Kosovë i publikuar nga Medica Gjakova. (Shkolla e muzikës “Prenk Jakova” në Gjakovë, ora 18:00)