15 Nëntor 2019

UPZ arrin marrëveshje bashkëpunimi me Universitetin e Camerinos në Itali

Prizren, 30 tetor - Me ftesë të Universitetit të Camerinos ,,UNICAM’’, Prorektori për mësimdhënie, çështje të studentëve dhe kërkime shkencore në UPZ, Prof.Ass.Dr. Shemsi Morina së bashku me Prof.Ass.Dr.  Faruk Bojaxhi realizuan një vizitë në ambientet e këtij Universiteti, ku nënshkruan edhe një Marrëveshje Bashkëpunimi ndërmjet këtyre dy institucioneve.

Të njëjtit u priten nga Rektori i këtij Universiteti Profesor Claudio Pettinari si dhe nga Koordinatori për çështje studimore për vendet e treta Profesor Emanuele Tondi.

Palët u morën vesh që në të ardhmen të realizojnë projekte të përbashkëta me qëllim të ngritjes së nivelit të mësimdhënies dhe mësimnxënies për Profesorët dhe studentët e të dyja Universiteteve.

Marrëveshja konsiston në shkëmbimin e studentëve dhe të profesorëve nga njëri Universitet tek tjetri, përfitimi i bursave për studentët kosovar për të qenë pjesë e studimeve në Universitetin e Camerionos, pjesëmarrja e profesorëve të UUHP-së në seminare, konferenca dhe evenimente të realizuara nga ky Universitet.

Po ashtu ranë dakord që të aplikojnë për një program të përbashkët Master në Shkencat e Jetës dhe Mjedisit, duke ndjekur modelin ''Dopio Laura”, apo “Diplomë e dyfishtë’’ ku studentët që do të diplomohen nga ky program, do të kenë mundësin të pajisen me dy diploma, nga dy Universitete nënshkruese të marrëveshjes.

Po ashtu u morën vesh që të shtohen aktivitetet për të aplikuar për një program Doktorature për Fakultetin Shkencave Kompjuterike.

Vlen të theksohet se Universiteti i Camerinos, është nder më të famshmit në Itali, i krijuar që nga viti 1336.

Po ashtu i njëjti delegacion takuan edhe studentët kosovar të cilët tashmë janë pjesë e fakulteteve të ndryshme të këtij Universiteti. Gjithsejtë 14 studentë ishin përfitues të bursave, ku 10 nga ta vazhdonin nivelin Baçelor dhe 4 studentë ishin duke ndjekur studimet në nivelin Master.

Një falënderim i veçantë shkon edhe për zonjën Ariana Kosova, z.Gëzim Gashi si dhe z.Met Zogaj (mërgimtarë në këtë provincë), të cilët për 3 ditë me radhë shoqëruan delegacionin tonë në përmbushjen e kësaj agjende.

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)