27 Shtator 2022

UP pranon donacion nga ish-ushtarja amerikane, Dr. Elaine Berkowitz

Prishtinë, 3 qershor - Në rektoratin e Universitetit të Prishtinës “Hasan Prishtina”, sot u bë pranimi zyrtar i donacionit prej 5 mijë dollarësh nga ish-ushtarja amerikane, dr. Elaine Berkowitz.

Me anë të këtij donacioni, të dedikuar për Departamentin e Stomatologjisë në Universitetin e Prishtinës, synohet të blihen pajisje, të cilat do t’u shërbejnë studentëve të këtij departamenti.

Mirënjohës për donacionin e dr. Berkowitz u shpreh rektori i UP-së, Naser Sahiti. Ai tha që UP-ja do të sigurohet që donacioni i dhuruar t’u shërbejë studentëve në përmirësimin e kushteve të tyre të studimit. Rektori Sahiti i falënderoi të gjithë ata që ndihmuan në realizimin e këtij bashkëpunimi, si dhe e ftoi dr. Berkowitz ta vizitojë UP-në.

Në emër të dhurueses së donacionit foli profesoresha e Fakultetit të Mjekësisë, Teuta Bicaj. “Kosova për mua është si shtëpi e dytë. Qysh nga ditët e mia të para në Kampin e Bondsteel-it, mund të them që jam e dashuruar me Kosovën – me njerëzit, kulturën, vendin dhe ushqimin,” theksoi profesoresha Bicaj fjalët nga letra e dr. Berkowitz. Ish-ushtarja amerikane ka përmendur edhe ditët e kaluara në Departamentin e Stomatologjisë dhe shtoi që këtë donacion e dhuron në nderim të prof. dr. Agim Islamit, profesor i pensionuar i Fakultetit të Mjekësisë.

Donacionin e dhuruar e vlerësoi edhe dekanja e FM-së, Suzana Manxhuka – Kërliu, e cila shtoi që këto mjete do të shfrytëzohen për blerjen e gjashtë zmadhuesve binokularë që u nevojiten studentëve të degës së stomatologjisë.

Të pranishëm në këtë takim ishin edhe profesor Agim Islami, për nder të të cilit është dhuruar ky donacion, Arbnor Mjeku nga Germin, përfaqësues i Mark Kosmo, kryesues i Bordit Drejtues të Global Albanians Foundation, si dhe Lekë Rezniqi, përfaqësues i miqësisë Kosovë – Izrael.

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)