20 Nëntor 2019

UP mban mbledhje komemorative në nderim të akademik Idriz Ajetit

Prishtinë, 19 shkurt - Në Rektoratin e Universitetit të Prishtinës “Hasan Prishtina” u organizua mbledhje komemorative në nderim të jetës dhe veprës së akademik Idriz Ajetit, i cili u nda nga jeta me 13 shkurt, në moshën 102 vjeçare.

Rektori i Universitetit të Prishtinës “Hasan Prishtina” prof. dr. Marjan Dema vlerësoi lartë veprimtarinë e akademik Ajetit, i cili në periudhën 1973-1975 shërbeu si rektor i UP-së.
“Ndonëse akademik Ajeti u nda fizikisht nga kjo jetë, figurat si ai janë të përjetshme dhe shërbejnë si frymëzim për pasardhësit për dekada e shekuj me radhë."

"Kontributi i tij disa dekadash në Universitetin e Prishtinës ka lënë gjurmë të pashlyeshme në historinë e institucionit tonë. Akademik Ajeti me veprimtarinë e tij në arsimin e lartë dhe në akademi, na la një thesar të çmuar pas vetës” tha Dema.

Për veprimtarinë e akademik Idriz Ajetit foli para të pranishmëve prof. dr. Bardh Rugova, shef i Departamentit të Gjuhës dhe Letërsisë Shqipe në Fakultetin Filologjik.

"Idriz Ajeti është një ndër gjuhëtarët pionier të Kosovës, gjurmët e të cilit janë gjithkund ku vendi ka shënuar ndonjë të arritur” tha Rugova. Ai njoftoi të pranishmit që Salla Solemne e Fakultetit të Filologjisë, këtë të premte, me vendimin e Këshillit të Fakultetit, ka marrë emrin “Salla Idriz Ajeti”.

Në emër të familjarëve në ketë takim komemorativ foli znj. Remzie Ajeti, vajza e axhës së akademik Idriz Ajetit. Ajo tha që për familjarët, Idriz Ajeti ishte udhërrëfyes i një jete të suksesshme dhe një figurë shumë fisnike.

Akademik Idriz Ajeti ishte intelektual, albanolog, akademik e pedagog i shquar. Profesori Ajeti iu bashkua së pari UP-së në vitin 1960, fillimisht si mësimdhënës në degën e Gjuhës e të Letërsisë Shqipe në Fakultetin e Filozofisë në Prishtinë, për të vazhduar më pas si profesor ordinar.

Profesor Ajeti deri në vitin 1973 ka shërbyer në pozita të ndryshme menaxheriale brenda Fakultetit Filozofik të UP-së, ndërkaq në po këtë vit, ai arriti kulminaconin e karrierës në Universitetin e Prishtinës, duke u zgjedhur rektor i këtij Universiteti, ku shërbeu deri në vitin 1975. Akademik Idriz Ajeti ndërroi jetë të mërkurën, me datë 13 shkurt 2019. 

Kalendari

Ngjarjet e datës 21 nëntor 2019

- Institucioni i Avokatit të Popullit, me mbështetje të projektit të financuar nga Bashkimi Evropian organizon festimin e përvjetorit të 19-të Institucionit të Avokatit të Popullit. (Hotel Emerald, ora 9:30)

- Universiteti i Mitrovicës "Isa Boletini" organizon hapjen e Panairit te Parë të Punës dhe Karrierës. (Universiteti i Mitrovicës, ora 10:00)

- Me rastin e 23 vjetorit të vdekjes së Dr. Xhavit Ahmetit, anëtarit të Kryesisë dhe veprimtarit të LDK-së, Kryesia e LDK-së, bën homazhe te varri i tij. (Lagjja Arbëria, ora 10:30)

- Kosovo Center for Business Support organizon tryezën me temën “Si ti zëvenësojmë Qeset e Plastikës pa u dëmtuar Bizneset” dhe cilat hapa duhet t’i ndërmarrim lidhur me zbatimin e planit të MMPH-së për zvoglimin e përdorimit të qeseve të plastikës në Kosovë. (Hotel Sirius, ora 10:30)

- Banka Qendrore e Republikës së Kosovës organizon konferencë për media, ku temë do të jetë tarifat e vendosura nga kompanitë e sigurimeve. (Auditoriumi i BQK-së, ora 11:00)

- Lëvizja Vetëvendosje do të organizojë bashkëbisedim në mes të kryetarit të Lëvizjes Vetëvendosje, Albin Kurti dhe përfaqëuesve të sindilkatave në Kosovë, me titull: "Mbështetja e fuqizimit sindikal në vendin tonë". (Hotel Grand, ora 11:00)

- Organizata për Rritjen e Cilësisë në Arsim dhe ADMOVERE organizojnë aksionin protestues lidhur me vendimet e Këshillit të Etikës, për plagjiatura dhe avancime jo meritore në UP. (Para ndërtesës së Rektoratit të UP-së, ora 11:00)

- Ministria e Punëve të Jashtme të Republikës së Kosovës organizon konferencë me rastin e organizimit “Thirrja e Tretë për Projekte të Fondit të Ballkanit Perëndimor”. (Ministria e Punëve të Jashtme, ora 11:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Velania.  (Lagjja Velania në parkun përballë SOS Fshatit, ora 12:00)

- Aleanca për Mbrojtjen e Teatrit nga Tirana do të mbaj një diskutim të hapur me komunitetin teatror, publikun dhe mediat e Kosovës. (Teatri Kombëtar i Kosovës, ora 12:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Bregu i Diellit. (Parku afër SHFMU “Ismail Qemali”, ora 14:00)

- Shefja e BE-së në Kosovë, Ambasadorja Apostolova do të marrë pjesë në një debat për dhunën në familje në Mitrovicë të Veriut. (Shtëpia e Evropës në Mitrovicë të Veriut, ora 14:00)

- Në kuadër të Javës Ndërkombëtare të Edukimit Amerikan, American Advising Center Education USA, organizon “Alumni Fair - Panairi i të diplomuarëve në SHBA”. (Fakulteti i Edukimit në Universitetin e Prishtinës “Hasan Prishtina”, ora 14:30)

- Programi i Kombeve të Bashkuara për Zhvillim dhe komuna e Gjakovës do të shënojnë përfundimin e punimeve në rehabilitimin dhe rregullimin e Urës së Terzive dhe hapësirës përreth. (Pranë Urës së Terezive në Gjakovë, ora 16:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen e Spitalit". (Afër SHFMU “Pavarësia”, ora 16:00)

- Në kuadër të Global Entrepreneurship Week, do të mbahet ngjarja “Are you a Champion of Success?” organizuar nga Ardian Hoxha dhe Oda Amerikane e Kosovës në bashkëpunim me ICK, Venture UP dhe Jakova Innovation Center. (Swiss Diamond, ora 17:00)