18 Tetor 2019

Universiteti i Prishtinës rangohet më lartë në Webometrics

Prishtinë, 21 shkurt - Përpjekjet e akterëve në kuadër të Universitetit të Prishtinës “Hasan Prishtina” për ngritjen e profilit akademik të UP-së kanë prodhuar një rezultat të shkëlqyer. Si rrjedhojë e kësaj, universiteti ynë tashmë rangohet shumë më lart se më parë në databaza botërore të rangimit të universiteteve.

Në fund të muajit janar të këtij viti, është shpallur versioni më i ri i rangimit të universiteteve nga Webometrics, rangim i cili Universitetin e Prishtinës e pozicionon rreth 2000 pozita më lart se në të njëjtën periudhë të vitit të kaluar. Në një përditësim të ri të rangimit nga Webometrics, pozicioni i Universitetit të Prishtinës është ndryshuar nga pozita e 1471-të në pozitën e 2668-të. Me anë të kësaj komunikate, dëshirojmë të sqarojmë për opinionin dhe të gjithë të interesuarit e tjerë shkaqet e këtij ndryshimi teknik. Webometrics deri më tani e ka përfshirë në rangimin e Universitetit të Prishtinës edhe Universitetin e Mitrovicës, të administruar nga institucionet paralele në veri, i cili mban në mënyrë të paligjshme emrin Universiteti i Prishtinës. Ngritja në rangim e Universitetit të Prishtinës për mbi 2000 pozita është rezultat i punës së çmuar të stafit akademik të universitetit, që me publikimet shkencore e ka ngritur profilin akademik të UP-së. Tashmë, profili i Universitetit të Prishtinës është pastruar nga llogaritë e universiteteve tjera.

Ne sigurojmë që menaxhmenti i Universitetit të Prishtinës mbetet i përkushtuar që kontributi shkencor i stafit të UP-së të vlerësohet, promovohet dhe të intensifikohet, në mënyrë që UP-ja të vijojë ngritjen e profilit akademik kudo në botë, si dhe të vazhdojë të jetë pararojë e shkencës në Kosovë dhe rajon.

Kalendari

Ngjarjet e datës 18 tetor 2019

- Kryeministri në detyrë Ramush Haradinaj pret në takim një delegacion të nivelit të lartë nga MCC, kryesuar nga znj. Caroline T. Nguyen, Drejtoreshë Menaxhuese e MCC për Evropë, Azi, Pacifik dhe Amerikë Latine, me këtë rast, do të nënshkruaj amandamentimin e Marrëveshjes CDF. (Ndërtesa e Qeverisë, ora 10:00)

- Me rastin e shënimit të Ditës së Bashkimit Evropian Kundër Trafikimit me Njerëz dhe njëkohësisht hapjes së fushatës Kundër Trafikimit me Njerëz, Ministria e Punëve të Brendshme organizon konferencë për media. (Ndërtesa e Qeverisë, salla P38, ora 10:00)

- Komuna e Rahovecit mban mbledhjen e dhjetë te rregullt e Komiteti për Politik dhe Financa. (Salla e mbledhjeve të Kuvendit Komunal të Rahovecit, ora 10:00)

- Agjencia për Arsim dhe Aftësim Profesional dhe Arsim për të Rritur organiozn aktivitetin e shënimit të themelimit të qendrës për karrierë në SHMLT ,,11 Marsi” në Prizren. (Objekti i SHMLT ,,11 Marsi” në Prizren, ora 10:30)

- Komisioni i Pavarur i Mediave do të mbajë konferencë për media në lidhje me prezantimin e  “Raportit të monitorimit të  Ofrueseve të Shërbimeve Mediale Audio-vizuele  gjatë fushatës për zgjedhjet e parakohshme 2019”.  (Zyra e KPM-së, qyteza Pejton, ora 12:00)

- Galeria Qahili organizon hapjen e ekspozitës "20" të Mentor Avdilit. (Galeria Qahili, ora 20:20)