02 Tetor 2022

Universiteti i Prishtinës nënshkruan marrëveshje me Ministrinë e Drejtësisë

Prishtinë, 15 nëntor - Sot në rektoratin e Universitetit të Prishtinës “Hasan Prishtina” mbahet ceremonia e nënshkrimit të marrëveshjes së bashkëpunimit ndërmjet Universitetit dhe Ministrisë së Drejtësisë.

Marrëveshja do të nënshkruhet ndërmjet Departamentit të Punës Sociale në Fakultetin Filozofik të UP-së dhe Shërbimit Korrektues të Kosovës.

Nënshkrim i marrëveshjes do të bëhet nga rektori i UP-së, prof. dr. Naser Sahiti dhe ministrja e Drejtësisë, znj. Albulena Haxhiu.

Qëllimi i marrëveshjes është përcaktimi i bashkëpunimit ndërmjet Shërbimit Korrektues të Kosovës dhe Departamentit të Punës Sociale, për angazhim të studentëve si praktikantë  në SHKK, si dhe mbështetja reciproke në ngritjen e kapaciteteve profesionale, përmes trajnimeve dhe aktiviteteve të tjera.
 

Kalendari

Ngjarjet e datës 3 tetor 2022

 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i ZyrÑ‘s pÑ‘r Qeverisje tÑ‘ MirÑ‘, Ahmet Kryeziu - Drejtor i Sawe the Children pÑ‘r KosovÑ‘, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)