15 Prill 2021

Universiteti i Prishtinës filloi vitin e ri akademik 2011-2012

Prishtinë, 3 tetor - Me rastin e fillimit të vitit të ri akademik, në Sallën e Kuqe të Fakultetit Filologjik të Universitetit të Prishtinës, u mbajt një akademi solemne, ku mori pjesë Presidentja e Republikës së Kosovës, znj Atifete Jahjaga, ministri i Arsimit Shkencës dhe Teknologjisë  Ramë Buja, rektori i Universitetit të Prishtinës, Mujë Rugova, ambasadori i Shqipërisë  Islam Lauka, ambasadori i Italisë në Kosovë Michael Giffoni, studentë, profesorë dhe personalitete tjera vendore e ndërkombëtare.

Jahjga ka thënë së Universiteti i Prishtinës që nga themelimi ka qenë sinonim i Kosovës së re, që përqafon vlerat e civilizimit bashkëkohor, duke pasur rol emancipues për të gjithë shoqërinë, duke ndryshuar konceptin e jetës, duke nxitur synimet demokratike dhe duke krijuar rrethanat për zhvillimin dhe përparimin e gjithëmbarshëm të Kosovës.

\"Gjatë dyzet viteve, Universiteti i Prishtinës është përballur me sfida të shkaktuara nga politika e pafavorshme për Kosovën dhe për vetë universitetin, të cilat u kapërcyen falë dashurisë së jashtëzakonshme që kishte populli ynë ndaj arsimit dhe shkollës\" , ka theksuar presidentja Jahjaga.

Universiteti i Prishtinës, së bashku me institucionet e tjera arsimore sipas saj dha kontribut të jashtëzakonshëm në krijimin e ambientit shoqëror që kultivoi idenë e rezistencës, të qëndresës, të lirisë dhe të demokracisë.

Më këtë rast, ministri arsimit Ramë Buja iu uroi studentëve dhe mësimdhënësve një vit të mbarë akademik.

Ndër të tjera, ministri tha se Universiteti i Prishtinës është sinonim i të arriturave kulmore në fushën e arsimit, shkencës e të kulturës në Kosovë dhe se rezultatet e arritura  ndër vite janë evidente,  ashtu siç janë të ditura  edhe vështirësitë  e zhvillimit e të mbijetesës së UP-së në kohë të vështira”.  

“Ndërkohë që,  angazhimi dhe përkushtimi i Ministrisë së Arsimit mbetet rritja e e vazhdueshme e cilësisë në arsim, ashtu që ç`do ditë e më shumë të  përafrohemi, e të jemi të krahasueshëm më të tjerët në Evropë dhe gjetiu.\"

\"Aktualisht, nuk jemi keq krahasuar me vendet e rajonit në këtë drejtim, por  ende nuk jemi në nivelin e dëshiruar . Jemi në garë për dije dhe kjo do të thellohet edhe më  shumë në të gjitha nivelet e arsimit në Kosovë“, theksoi ministri Buja.

Ministri  Buja më tej shtoi se “tashmë jemi të angazhuar që të aftësojmë mësimdhenësit në përdorimin e Teknologjisë Informative  në arsimin parauniversitar  dhe se në këtë drejtim janë aftësuar  rreth 8 mijë  mësimdhënës për programin ECDL , ndërkohë që do të punohet edhe në drejtim të digjitalizimit të shkollave”, tha ministri Buja dhe theksoi se kjo dhe  zhvillimet tjera  arsimore në të ardhmen do të bëjnë  të mundur ecjen në hap me trendet bashkëkohore të mësimdhënies.

 

Kalendari

Ngjarjet e datës 15 Prill 2021 - Handikos dhe The Balkan Forum tashmë kanë nisur kampanjën ‘Thuaj Jo Qeseve të Plastikës’  përmes një aktiviteti simbolik zyrtarisht do të prezantojmë strajcat e ri-përdorshme të punuara tash e disa muaj nga personat me aftësi të kufizuara. (Sheshi ‘Skënderbeu’ dhe ‘Nënë Tereza’, ora 10:00)

- Këshilli Gjyqësor i Kosovës mban mbledhjen e radhes. (Platforma Zoom, ora 10:00)

- Mbahet seanca gjyqësore kundër të pandehurit Agim Hamdija për vepren penale 'Organizimi i skemave piramidale'. (Gjykata Themelore në Ferizaj, ora 10:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Qendra për Promovimin e Drejtave të Grave në Drenas, ora 10:30)

- Zëvendësministri i Mjedisit, Planifikimit Hapsinor dhe Infrastrukturës  Hysen Durmishi do të mbajë konferencë per media. (Objekti i MMPHI-së, salla B201, oa ora 10:30,

- Kryeministri Albin Kurti dhe ministrja e Ekonomisë dhe Ambientit, Artane Rizvanolli, vizitojnë ekipin e kampanjës 'Thuaj jo Qeseve të Plastikës'. (sheshi ‘Skënderbeu’ , ora 12:00)

- Pronarët e sallave të dasmave mbajnë takim lidhur me masat anti-Covid. (Golden Imperial në Veternik, ora 14:00)

- Agjencia Turke për Bashkëpunim dhe Koordinim nis shpërndarjen e pakove ushqimore dhe higjienike për familjet në nevojë, me rastin e muajit të Ramazanit. (Palestra Sportive “Tota” në Vushtrri, ora 14:30)