01 Qershor 2020

Universiteti i Prishtinës është Oksford për universitetet përreth

Prishtinë, 26 qershor - Universiteti i Prishtinës (UP) i ka bërë të gjitha përgatitjet për pranimin e rreth 12 mijë studentëve të rinj. Ka thënë se UP-ja ka kuadro dhe hapësirë që këtyre studentëve t’u ofrojë studime cilësore.

Është zotuar se profesorët e UP-së nuk do të lejohen të ligjërojnë në asnjë universitet tjetër. “Profesorët duhet të zgjedhin: ose të ligjërojnë në UP ose në ndonjë universitet tjetër. Por, çdo profesor që do të mbajë mësim edhe në një universitet tjetër përveç UP-së do të shkarkohet”.


Beson se programet me të cilat UP-ja ka aplikuar për akreditim dhe riakreditim do të marrin vlerësim pozitiv nga ekspertët e Agjencisë për Akreditim të Kosovës. Ka thënë se UP-ja shpejt do ta hapë konkursin për studime të doktoraturës në të gjitha njësitë akademike.


Universitetin e Prishtinës e konsideron Oksford nga universitetet e rajonit. Kështu ka theksuar për “Epokën e re”, rektori i Universitetit të Prishtinës (UP), Mujë Rugova.


Ai ka deklaruar se UP i ka bërë të gjitha përgatitjet. Njësitë akademike e kanë propozuar numrin për pranimin e studentëve, që ata mendojnë se është i mjaftueshëm. Ky numër sillet rreth 12 mijë studentë nga të gjitha fushat e studimit.

Po i presim rezultatet e maturës, pastaj do ta shpallim konkursin. Këtë shifër për pranimin e studentëve e kemi dërguar në MASHT. Ata nuk kanë dhënë vërejtje për këtë numër, por as me shkrim nuk kemi marrë asnjë konfirmimin.

Ky numër shpresoj se do t’i plotësojë kërkesat e maturantëve që ia mësyjnë UP-së. Këtu zakonisht spekulohet se nuk ka vende apo kuadro. Këto nuk qëndrojnë. Sa i përket hapësirës, e kam thënë shumë herë, se në UP punohet nga ora 8:00 deri në mbrëmje. Hapësirë ka. Kuadro ka.

Në qoftë se kemi kuadro që 70 profesorë të shkojnë në Tetovë në javë ose t’i mbajnë kolegjet private, si është e mundur të mos kemi për UP-në? Asnjë profesor as nuk do të shkojë në Tetovë e as në kolegje private ose, në rast se dëshirojnë të shkojnë për të ligjëruar në Tetovë apo në kolegje, nuk mund të ligjërojnë edhe në UP.
 

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)