21 Prill 2021

Universiteti i Maryland i dhuron libra Universum-it

Prishtinë, 21 prill - Kolegji Universitar Universum ka pranuar një donacion prej rreth 400 librash nga University of Maryland University College (UMUC) në Bondsteel.

Për më shumë se 60 vjet, UMUC ka ofruar mundësi të arsimimit për Forcat e Armatosura të SHBA’së në botë.
 
Visar Azemi, përfaqësues i UMUC dhe pedagog në Kampin Bondsteel, tha se UMUC është krenar që mund të sigurojë arsim cilësor për pjesëtarët e shërbimit amerikan dhe të kontribuojë në komunitetin lokal.

\"Ne kemi pasur mundësi të dhurojmë një numër të madh librash në bibliotekat dhe universitetet në Kosovë, dhe ne shpresojmë që do të jemi në gjendje ta bëjmë këtë përsëri, edhe në të ardhmen.\"
 
Alejtin Berisha, drejtor ekzekutiv në Kolegjin Universitar Universum, beson se ky donacion do të ndihmojë në rritjen e cilësisë së përgjithshme të studimeve në Kosovë, dhe për studentët e Universum në veçanti.

\"Tekstet e dhëna si donacion, janë një mbështetje e madhe për studentët tanë, pasi që ato përfaqësojnë letërsinë e kohëve të fundit në këtë fushë,\"tha Berisha. \"Unë jam i sigurt se duke përdorur këto tekste, nxënësit tanë dhe stafi ynë do t’i zgjerojnë njohuritë e tyre dhe ta zhvillojnë aftësinë e të menduarit kritik, e cila është aq e nevojshme në botën e globalizuar në të cilën po jetojmë ne sot.\"
 
UMUC ka kontribuar në përpjekjet e Kosovës për edukim, përmes donacioneve të librave që i ka dhënë universiteteve publike dhe private dhe bibliotekave në rajon.

Kalendari

Ngjarjet e datës 22 Prill 2021

- Ministri i Mjedisit, Planifikimit Hapesinor dhe Infrastrukturës, Liburn Aliu mban konferencë për media për hidrocentralet. (Tek ura në Brezovicë, 100m para kthesës kryesore për qendër të skijimit, ora 9:15)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike të Kosovës Berat Rukiqi. (Ndërtesa e Kuvendit, salla N204, ora 10:00)

- Me moton "Shpëtoni Planetin" shënohet Dita e Tokës për të rritur ndërgjegjësimin për rëndësinë e përgjegjësisë kolektive për të mbrojtur mjedisin për brezat e ardhshëm. (Mitrovicë, ora 10:00)

- Organizata ETEA dhe biblioteka “Hivzi Sulejmani” organizojnë panelin e diskutimit “Libri mes ofertës dhe kërkesës”, me rastin e Ditës Ndërkombëtare të Librit. (Biblioteka “Hivzi Sulejmani” në lagjen Dardania, ora 10:00)

-  Ministria e Mjedisit, Planifikimit Hapesinor dhe Infrastrukturës organizon aktivitetet me rastin e shënimit të 22 Prillit, Ditës Ndërkombëtare të Tokës. (Hapësira e Shkollës Fillore “Hasan Prishtina” në Prishtinë, ora 10:00)

- Komisioni për Ekonomi, Industri, Ndërmarrësi dhe Tregti takohet me kryetarin e Odës Ekonomike Amerikane në Kosovës Arian Zeka. (Ndërtesa e Kuvendit, salla N204, ora 11:00)

- Lëvizja FOL organizon debatin FOL Hapur me ministrin e Administrimit të Pushtetit Lokal, Elbert Krasniqi. (Hotel Sirius, ora 11:00)

- Programi i Kombeve të Bashkuara për Zhvillim së bashku me UN-Habitat dhe agjencitë e tjera të Ekipit të Kombeve të Bashkuara në Kosovë, do të organizojnë inaugurimin e Sistemit Solar Fotovaltaik në ndërtesen e Kuvendit Komunal të Prizrenit. (Ndërtesa e Kuvendit Komunal në Prizren, ora 11:00)

- Komisioni për Ekonomi, Industri, Ndërmarrësi dhe Tregti takohet me kryetare e Odës Ekonomike Gjermano-Kosovare Nora Hasani. (Ndërtesa e Kuvendit, salla N204, ora 12:00)

- Koordinatori i Qendrës së vaksinimit në sallën “1 Tetori”, Niman Bardhi mban konferencë për medie. (Sallla “1 Tetori”, ora 12:00)

- Ministrja e Punëve të Jashtme dhe Diasporës, Donika Gërvalla do ta pres në aeroport Ministrin e Jashtëm te Gjermanisë, Heiko Maas. (Aeroportin e Prishtinë, ora 14:00 - vetëm pamje)

- OJQ Projekti 5 Cent organizon ngjarjen për "Ditën e Tokës", ku do të bëhet mbjellja e 51 fidaneve me rastin e shënimit të kësaj dite. (Oborri i SHFMU “Ibrahim Rugova” në Obiliq, ora ora 14:00)

- Presidentja e Kosovës, Vjosa Osmani, pret në takim ministrin e Punëve të Jashtme të Gjermanisë, Heiko Maas. (Kabineti i Presidentës, ora 15:00)

- Kryeministri i Kosovës, Albin Kurti, pret në takim ministrin e Punëve të Jashtme të Gjermanisë, Heiko Maas. (Ndërtesa e Qeverisë, ora 16:30)

- Ministrja e Punëve të Jashtme dhe Diasporës, Donika Gërvalla dhe Ministri i Jashtëm i Gjermanisë, Heiko Maas do të zhvillojnë takimin bilateral. (Kabineti i ministres Gervalla, ora 17:00) vetëm pamje)